Arnar Huginn hlaut styrk

4/7/2017

  • Arnar Huginn Ingason

Tuttugu og átta nemendur úr sextán framhaldsskólum víðs vegar af landinu, hlutu verðlaun úr Afreks- og hvatningarsjóði stúdenta Háskóla Íslands í ár.  Styrkjum var úthlutað úr sjóðnum í tíunda sinn við hátíðlega athöfn á Háskólatorgi.  Styrkþegarnir eiga það sameiginlegt að hafa náð framúrskarandi árangri í námi til stúdentsprófs og munu hefja grunnnám við Háskóla Íslands í haust.

Einn af styrkhöfunum 2017 er Arnar Huginn Ingason sem varð dúx Borgarholtsskóla vorið 2017.  Arnar stundaði nám á  bóknámsbraut viðskipta- og hagfræðibrautar ásamt því að vera á afreksíþróttasviði. 

Við brautskráningu í vor hlaut Arnar fjölmargar viðurkenningar. Arnar hefur mikinn áhuga á íþróttum og æfir handknattleik með Víkingi og hyggur á nám í íþrótta- og heilsufræði.

Borgarholtsskóli óskar Arnari til hamingju með viðurkenninguna sem dugnaði hans er sýnd.


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira