Jarðfræðinemendur á ferð og flugi

28/4/2017

  • Nemendur í JAR2A05 reyna að draga saman jarðskorpuflekana. Mynd tekin við brúnna milli heimsálfa (austan við Stóru Sandvík)
  • Myndun bólstrabergs útskýrð fyrir nemendum í NÁT2B05
  • Nemendur í NÁT2B05 skoða háhitasvæði við Seltún í Krísuvík
  • Nemendur í JAR2A05 í fjörunni við Selatanga á Reykjanesi. Með Ögmundarhraun í bakgrunni.
  • Nemendur í stjörnufræði kynnast leyndardómum stjörnusjónaukans.
  • Nemendur í stjörnufræði kynnast leyndardómum stjörnusjónaukans.

Nemendur í þremur jarðfræðiáföngum voru á ferð og flugi þessa vikuna.

Mánudaginn 24. apríl fóru 18 nemendur í áfanganum JAR2A05 (almenn jarðfræði) í ferð um Reykjanesið með kennara sínum Kristni A. Guðjónssyni. Daginn eftir fóru nemendur í NÁT2B05 (inngangur að jarðfræði) svipaða ferð með Kristni og Óttari Ólafssyni. Reykjanesskaginn er kjörið svæði fyrir ferðir sem þessar. Hann státar af flestu því sem er merkilegt í jarðfræði Íslands en þar má einnig finna jarðfræðileg fyrirbæri sem finnast hvergi annars staðar á þurru landi. Hóparnir voru heppnir með veður og tókust báðar ferðir einstaklega vel.

Miðvikudagskvöldið mættu nemendur í áfanganum JAR2B05 (stjörnufræði) á bílastæðið við Borgarholtsskóla. Þar var kominn góður gestur frá Stjörnuskoðunarfélagi Seltjarnarness. Ætlunin var að skoða stjörnur þetta kvöld en ský byrgðu hópnum sýn. Í staðinn fengu nemendur greinargóðan fyrirlestur um stjörnusjónauka og sýnikennslu í notkun þeirra. Hópurinn stefnir að öðru stjörnuskoðunarkvöldi ef veður leyfir á næstu dögum.


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira