Nemendur á hönnunarsýningu

30/3/2017

  • Nemendur í nýsköpun og frumkvöðlafræði á Kjarvalsstöðum 30.3.2017
  • Nemendur í nýsköpun og frumkvöðlafræði á Kjarvalsstöðum 30.3.2017
  • Nemendur í nýsköpun og frumkvöðlafræði á Kjarvalsstöðum 30.3.2017

Nemendur í nýsköpun og frumkvöðlafræði fóru á sýningu um vöruhönnun á Kjarvalsstöðum. Vöruhönnuðir fást við að búa til vörur og skapa upplifun. Þeir greina þörf og tækifæri auk þess sem þættir eins og jafnrétti, umhverfi o.fl. hafa áhrif á efnisval og útfærslu. Á sýningunni voru samankomin nokkur framúrskarandi verkefni sem endurspegla ólíka nálgun vöruhönnuða að viðfangsefnum sínum. Henni var ætlað að veita innsýn í helstu strauma og stefnur í vöruhönnun á Íslandi á síðustu árum.

Áherslan á sýningunni var á handverk, efnisrannsóknir, fjöldaframleiðslu, upplifun, hreyfanleika og staðbundna framleiðslu. Fyrir utan að sýna fjölbreytileika vöruhönnunar endurspeglar sýningin hvernig hægt er að nýta krafta skapandi hugsunar og frumkvæðis við úrlausn samfélagslegra viðfangsefna.


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira