Niðurstöður lýðræðisfundar nemenda

16/11/2016

  • IF29_hands
Lýðræðisfundur nemenda við Borgarholtsskóla var haldinn 27. október. Nú hefur verið unnið úr niðurstöðum. Hátt í hundrað tillögur komu fram og verður kosið um þær föstudaginn 18. nóvember í þriðja tíma (kl. 10:35). Eru nemendur eindregið hvattir til að taka þátt í kosningunni og hafa þannig áhrif á framtíð skólans síns. Hér að neðan er hægt að kynna sér tillögurnar. Þeim er skipt upp í þrjá flokka og velur hver og einn eina tillögu úr hverjum flokki.


Námið og námsumhverfið (skólastofan)

  • Nemendafjöldi í raungreinahópum fari ekki yfir 23
  • Kennarar tali minna – leggi fram fleiri verkefni
  • Prófum sé jafnar dreift yfir önnina
  • Nemendur læri meira um það sem gagnast þeim í daglegu lífi, t.d. fjármálalæsi, lán, íbúðarkaup, kaup og kjör, börn – barnauppeldi
  • Kennsla utanhúss sé aukin
  • Heimanám sé minnkað
  • Kennslustundir séu 80 mínútur
  • Kynjafræði sé skyldugrein á öllum brautum
  • Áföngum í náttúrufræði sé fækkað á félags- og hugvísindabraut
  • Fleiri valáfangar þar sem reynt er á líkamlega færni séu í boði
  • Álagi á nemendur sé jafnað yfir önnina - þess gætt að stór verkefni í mismunandi áföngum rekist ekki á
  • Lokapróf hafi ekki of mikið vægi - hámark 50% af lokaeinkunn
  • Heimanám (upplýsingar og verkefni) sé birt í Innu
  • Dregið sé úr tilgangslausri heimavinnu
  • Fleiri verkefni, færri próf
  • Nemendur sömu brautar séu meira saman í áföngum allar annir
  • Tillit sé tekið til óviðráðanlegra aðstæðna sem áhrif hafa á mætingu, s.s. seinkoma strætó
  • Mæting í tíma sé frjáls
  • Lengd prófa sé í samræmi við próftíma
  • Kennsla hefjist á þeim tíma sem stundaskrá segir
  • Lengd innlagna í verklegum tímum sé stillt í hóf
  • Aðstaða leiklistarnema sé bætt
  • Frjáls mæting fyrir 18 ára og eldri
  • Námsefni sé á netinu, að ekki þurfi bækur
  • Flokkunarkerfi fyrir rusl sé í stofum
  • Bókalistar séu uppfærðir tímanlega
  • Eftirlit sé með kennurum svo þeir vinni vinnuna sína
  • Íþróttir séu sveigjanlegri og opnunartími sé lengri
  • Íþróttir séu valfrjálsar eftir vissan aldur
  • Fleiri og hentugri borð fyrir hópvinnu t.d. borð sem hægt er að standa við
  • Kennsluaðferðir séu fjölbreyttari
  • Tölvunotkun sé aukin, pappírsnotkun minnkuð

Skólinn sem heild (gangarnir, aðstaða nemenda, mötuneytið o.fl.)

  • Álagi í afgreiðslu í mötuneyti sé dreift – stytta biðraðir; t.d. með því að bjóða nemendum að aðstoða í mötuneyti
  • Machintosh tölvum sé skipt út fyrir Windows tölvur
  • Uppstillingu í stofum sé breytt
  • Loftræsting í stofum sé bætt
  • Sófum sé fjölgað
  • Þráðlaust netsamband í skólanum sé bætt
  • Sjálfsölum fyrir snakk verði komið fyrir í skólanum
  • Fleiri snögum sé komið fyrir í skólanum
  • Matarkort séu seld nemendum
  • "Kósý-corner" sé innréttað
  • Fjölbreytni í framboði mötuneytis aukin
  • Hringt sé inn í tíma
  • Skyggni yfir mötuneyti sé nýtt sem svið
  • Hitastig í stofum sé lækkað
  • Húsgögn í kennslustofum séu endurnýjuð
  • Sófum sé komið fyrir í kennslustofum
  • Matur í mötuneyti skólans sé ódýrari
  • Framboð í mötuneyti taki líka mið af þörfum þeirra sem ekki vilja fisk og kjöt
  • Bætt sé við tölvum á bókasafni
  • Aðgengi nemenda að kennslustofum sé aukið m.a. í frímínútum
  • Dömubindi og túrtappar séu á salernum kvenna
  • Skóregla gildi einnig um kennara
  • Hafragrautur sé frír alla morgna
  • Ávextir og grænmeti fáist gegn vægu gjaldi í mötuneyti
  •  Reglum um skóbann sé betur framfylgt
  • Kennarafundir séu í síðasta tíma á föstudögum
  • Hafa löngu frímínútur seinna, eftir annan tíma
  • Matarskammtar séu þrennskonar, litlir, meðalstórir og stórir
  • Ekki sé borgað fyrir hnífapör, glös og diska í mötuneyti nemenda
  • Vinnuaðstaða nemenda sé bætt
  • Starfsfólk mötuneytis sé brosmilt
  • Frítt kaffi sé í boði í mötuneyti
  • "Glerbúr" séu fjarlægð og sófar settir í þeirra stað
  • Borð fyrir fúsball og borðtennis séu sett upp á göngum
  • Vatnsvélar séu settar upp við enda ganga
  • Tónlist sé spiluð í matsal
  • Matarskammtar séu stærri
  • Verk nemenda í málm- og véltækni séu sýnileg í bóknámshúsi
  • Stólar í kennslurýmum séu endurnýjaðir og fengnir verði þægilegri stólar
  • Fleiri rekkar séu fyrir útiskó og aðstaða fyrir inniskó
  • Reykingaskýli verði komið upp
  • Lyftunni sé læst svo þeir sem ekki þurfa á henni að halda láti hana í friði
  • Rennibrautum sé komið fyrir við neyðarútganga á  efri hæðum
  • Skólinn reki mötuneyti - ekki í hagnaðarskyni
  • Nemendur hafi aðgang að afþreyingarherbergi, t.d. með billjardborði
  • Fleiri plöntum sé komið fyrir í skólahúsnæði

Félagslíf (skólabragur)

  • Tómstundaaðstöðu komið upp - t.d. borðtennisborði
  • Böllum sé fjölgað - t.d. Haloween-ball, böll í samstarfi við aðra skóla
  • Félagslíf nemenda sé bætt
  • Nefndir á vegum nemendafélags séu virkari
  • Uppákomum í hádegi sé fjölgað
  • Skapaðar séu hefðir í sambandi við félagslífið
  • Nýnemar séu betur virkjaðir í félagslífinu
  • Félagslíf sé auglýst betur
  • Ódýrara sé á böll á vegum nemendafélagsins
  • Nemendur séu hvattir til að taka þátt í félagslífinu
  • Kveðjustund sé haldin með kennururm og útskriftarefnum
  • Félagslíf sé tvískipt, fyrir 16-17 ára og hins vegar 18 ára og eldri
  • Bíókvöld séu haldin
  • Nemendur mæti betur á viðburði
  • Borgópeysur séu á boðstólnum
  • Kennarar sýni á sér óþekktar hliðar
  • Veggur til að mála á
  • Aukin metnaður sé í starfi nemendafélagsins
  • Nemendafélagið sé lýðræðislegra - t.d. að kosið sé um hugmyndir og viðburði


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira