05/10/2023 | Ritstjórn
Heilsuvika
![Stórbolti](https://wp.borgo.is/wp-content/uploads/384556682_1663972234127376_4935677058258706564_n.jpg)
Stórbolti
Dagana 2. – 6. október er heilsuvika í Borgarholtsskóla.
Hún byrjaði á mánudagsmorgni með því að boðið var upp á ávexti og lýsi í anddyrum skólans. Í hádeginu á mánudag var kynning á frisbígolfi fyrir aftan skólann þar sem Blær Örn Ásgeirsson, margfaldur Íslandsmeistari í greininni mætti. Nemendur gátu reynt fyrir sér með að kasta disk í körfuna og vinna diska frá Frisbígolfbúðinni.
Miðvikudaginn 4. október var aftur boðið upp á ávexti og lýsi um morguninn en í hádeginu var keppt í sippi og hlaupi upp stigana í skólanum.
Fimmtudaginn 5. október fór svo fram aðalviðburður heilsuvikunnar en það var hreyfitíminn. Þá féllu niður tveir tímar en í staðinn gátu nemendur valið sér hreyfingu eða íþrótt. Fjölbreytni einkenndi það sem í boði var, svo sem zumba, fótbolta, fjöruferð, skauta, keilu og skák. Í hádeginu var svo Ari Eldjárn með uppistand í matsal skólans og vakti hann mikla lukku.
Á meðan á hreyfiviku stóð var í gangi instagram leikur þar sem hægt var að vinna veglega vinninga með því að setja mynd af viðkomandi á hreyfingu inn á instagram og tagga Borgarholtsskóla og nemendafélagið.
Heilsuvikan veitir kærkomna tilbreytingu í skólalífið um leið og vakin er athygli á heilbrigðum lífsstíl.
Myndagallerí
![Frisbígolf](https://wp.borgo.is/wp-content/uploads/385490680_1043424803459087_2495360857207428558_n.jpg)
Frisbígolf
![Skautar](https://wp.borgo.is/wp-content/uploads/20231005_112829-scaled.jpg)
Skautar
![Handbolti](https://wp.borgo.is/wp-content/uploads/20231005_112015-scaled.jpg)
Handbolti
![Körfubolti](https://wp.borgo.is/wp-content/uploads/20231005_111705-scaled.jpg)
Körfubolti
![Fótbolti](https://wp.borgo.is/wp-content/uploads/20231005_111133-scaled.jpg)
Fótbolti
![Undirbúningur fyrir gönguferð](https://wp.borgo.is/wp-content/uploads/IMG_1947-scaled.jpg)
Undirbúningur fyrir gönguferð
![Skák](https://wp.borgo.is/wp-content/uploads/IMG_1942-scaled.jpg)
Skák
![Ari Eldjárn](https://wp.borgo.is/wp-content/uploads/20231005_123848.jpg)
Ari Eldjárn
![Keila](https://wp.borgo.is/wp-content/uploads/20231005_113713-scaled.jpg)
Keila
![Nemendur í keilu](https://wp.borgo.is/wp-content/uploads/20231005_113659-scaled.jpg)
Nemendur í keilu
![Nemendur í frisbígolfi](https://wp.borgo.is/wp-content/uploads/385452995_1747033232414628_1835057820218200370_n.jpg)
Nemendur í frisbígolfi