borgarholtssk%ef%bf%bd

Borgarholtssk�

borgarholtssk%ef%bf%bd-2

hero-fyrir-afmaeli-3-1

Hero fyrir afmæli-3 (1)

hero-fyrir-afmaeli-1-2

Hero fyrir afmæli-1

borgo-i-30-ar-1

Borgo i 30 ar (1)

hero-fyrir-afmaeli-2-2

Hero fyrir afmæli-2

30_a_plani

hero-fyrir-afmaeli-2

bila

boknam-2

boknam

felag

fram

afrekid-2

afrekid

list

gears

sernam

vinnu

borgarholtsskoli-8

Borgarholtsskóli

borgarholtsskoli-9

borgarholtsskoli-21

bioparadis

borgarholtsskoli-12

travel

borgarholtsskoli-50

Nýlega fékk skólinn höfðinglega gjöf frá fyrirtækinu HD iðn- og tækniþjónustu. Um er að ræða laser sem notaður verður við kennslu í stálsmíði, blikksmíði og CNC. Laserinn er frábær viðbót við tækjakost skólans og mun koma sér einstaklega vel í öllum þessum greinum.
Á meðfylgjandi mynd má sjá Ellert Danelíusson, deildarstjóra málm- og véltæknibrauta, stilla sér upp við tækið ásamt Þorleifi Halldórssyni, fyrrverandi nemanda skólans og ungum syni hans á afmælishátíð skólans. Þorleifur var einmitt einn af þeim sem átti frumkvæði að gjöfinni.
Fyrirtækinu eru færðar kærar þakkir fyrir gjöfina sem gagnast mun nemendum og starfsfólki við nám og störf.

Nemendur á kvikmyndabraut ásamt Elísabetu Rónaldsdóttur klippara, leikstjóranum David Leitch og framleiðandanum Kelly McCormick

Alþjóðlegu kvikmyndahátíðinni Reykjavík International Film Festival eða RIFF er nýlokið. Segja má að Borgarholtsskóli hafi leikið býsna stórt hlutverk þar. Nemendur á kvikmyndabraut sáu um upptökur og streymi frá hátíðinni undir styrkri stjórn Þorgeirs Guðmundssonar og Þiðriks C. Emilssonar kennara. Einnig mátti sjá mörg gömul Borgóandlit á viðburðum hátíðarinnar sem þátttakendur í ýmsum keppnisflokkum sem leikarar og leikstjórar.
Mynd Orra Guðmundssonar, Til hamingju fáviti, var verðlaunuð sem besta myndin í nemendasamkeppni hátíðarinnar en Orri útskrifaðist frá skólanum 2024. Samkvæmt <a href="https://riff.is/verdlaunamyndir-riff-2026/" target="_blank" rel="noopener">umsögn dómnefndar</a> sameinar kvikmyndin húmor og dimman undirtón. Myndin fjallar um margar hliðar lífsins, svo sem vináttu, afbrýðisemi og karlmennsku. Leikurinn er sterkur, frásögnin vel útfærð og endirinn óljós svo áhorfandinn situr eftir með stórar spurningar.
Þátttakan í hátíðinni er enn ein rósin í hnappagat kennaranna á kvikmyndabrautinni fyrir að útvega nemendum raunveruleg verkefni sem veita þeim byr undir báða vængi til stórkostlegra afreka eins og dæmin sýna.

Orri með verðlaunagripinn fyrir myndina sína

Dúndrandi tónlist og hollar veitingar við lok heilsudagskrár

Hollur morgunverður er mikilvægasta máltíð dagsins

Flosi Jón og Magnea voru meðal þeirra sem báru hitann og þungann af dagskránni

Sannkallaðar hetjur eftir langan göngutúr

Í yfirstandandi viku hefur sannkölluð heilsuefling átt sér stað í skólanum. Heilsuvikan er haldin í tengslum við evrópsku íþróttavikuna (European Week of Sport) sem er árlegt átak sem fer fram í yfir 40 Evrópulöndum undir kjörorðinu #BeActive. Átakið er styrkt af Íþrótta- og Ólympíusambandi Íslands í gegnum Erasmus+ styrkjakerfi Evrópusambandsins.
Margt hefur verið gert til að efla andlega-, líkamlega- og félagslega heilsu nemenda í vikunni. Á hverjum morgni var boðið upp á heilsusamlegt snarl; ávexti, grænmeti og lýsisperlur. Í hádeginu var boðið upp á ýmsar líkamlegar áskoranir fyrir þau sem vildu reyna aukalega á sig og sanna kraft sinn og þor.
Á mánudaginn var haldið stigahlaup. Þar kepptust nemendur við að hlaupa frá 1. hæð upp á 3. hæð í bóknámshluta hússins á sem skemmstum tíma. Sigurvegarinn, Ewald Mateo, náði sögulegum árangri en hann stökk upp hæðirnar þrjár á einungis 6,75 sekúndum. Hröðust stúlkna var Joyceline Banaya á tímanum 8,18 sekúndum sem er virkilega góður tími.
Sippkeppni var á dagskrá á þriðjudaginn og var mikið kapp hjá þátttakendum að ná sem flestum hoppum á einni mínútu. Sigurvegarinn, Hilmar, náði að sippa 195 sinnum og Sigyn var með bestan árangur stúlkna eða 160 skipti. Miðvikudagsþrautin fólst í róðrarkeppni þar sem nemendur kepptu um hver væri fljótastur að róa 250 metra. Þar stóð Grímur uppi sem sigurvegari en hann reri vegalengdina á 42 sekúndum. Sigurvegari í kvennaflokki var Karen á 56 sekúndum. Þetta er glæsilegur árangur hjá þeim öllum.
Verðlaun voru veitt fyrir þrjú efstu sætin í kvenna- og karlaflokki alla dagana. Velunnarar skólans gáfu verðlaunin en það voru fyrirtækin Sportvörur, Margt smátt, Fjallakofinn, Lýsi, Hagkaup, GG sport, Klifurhúsið, Reykjabúið, Hreysti, Craft-verslun og Skopp. Þessum aðilum eru færðar innilegar þakkir fyrir stuðninginn.
Dagskráin náði svo hápunkti í dag, fimmtudag, en þá var nemendum gefinn kostur á að skrá sig í margvíslega heilsutengda atburði og kennsla felld niður í þriðju og fjórðu kennslustund. Nemendur gátu valið um að fara í gönguferð um nágrennið, skák, hláturjóga, keilu, fimleika, badminton, ræktina, handbolta, sirkus, hot fit, jóga og slökun, skauta, pílu, zumba, ólympískar lyftingar eða spila fótbolta. Auk þess var nemendum boðið upp á að horfa á bíómyndina True Spirit sem fjallar um áströlsku siglingakonuna Jessicu Watson sem reyndi, fyrst allra, að sigla ein og án aðstoðar í kringum höttinn aðeins 16 ára gömul árið 2009. Myndin er gott dæmi um það hvernig líkamleg hreysti og andlegt heilbrigði geta sigrað náttúruöflin. Í lokin var svo slegið upp diskóteki í matsalnum og lék plötusnúður undir dúndrandi dansi nemenda sem greinilega áttu næga orku inni.
Heilsuteymi skólans sá um framkvæmd þessarar viðburðaríku viku og á skilið hrós fyrir. Á morgun lýkur dagskránni með því að tekið verður á móti nemendum með heilsusamlegu snarli eins og aðra daga vikunnar.

Mikill hamagangur var í róðrarkeppninni á miðvikudeginum

Skólahljómsveit Mosfellsbæjar í svaka sveiflu

Ásta Laufey, skólameistari, rifjar upp góða tíma

Forseti Íslands, Halla Tómasdóttir, minnir á mikilvægi manngæskunnar

Júlí Heiðar og Kristmundur Axel stilla sér upp, alveg eins og fyrir sextán árum síðan

Inga Sæland fjallar um fjölbreytileikann

Björg Magnúsdóttir var hrifin af Borgóandanum

Arnar Steinn sló í gegn með ræðu sinni

Guðrún Vala fræddi gesti um áhrif námsins í Borgó á lífið

Lokalagið frá kórnum (I've had) The Time of My Life var vel til fundið

(Upp)stilltir nemendur með mennta- og barnamálaráðherra

Í gær var þrjátíu ára afmæli skólans fagnað með pompi og prakt. Skólinn var settur í fyrsta sinn þann 2. september 1996 og hefur hann vaxið, dafnað og stækkað síðan þá. Á afmælisdeginum sjálfum var nemendum boðið upp á súkkulaðiköku og mjólk en nú var komið að sérstökum boðsgestum, núverandi og fyrrverandi starfsfólki skólans, forseta Íslands, barna- og menntamálaráðherra, forseta borgarstjórnar auk sérstakra velunnara skólans.
Skólahljómsveit Mosfellsbæjar lék við innganginn þegar gestir streymdu inn. Dagskráin hófst á því að boðið var upp á skoðunarferð um skólann og mæltist hún mjög vel fyrir enda skólinn skínandi bjartur og aðstaðan til fyrirmyndar.
Ásta Laufey Aðalsteinsdóttir, skólameistari, setti athöfn í sal skólans og fór yfir sögu hans. Hún minntist á að þegar hún kom fyrst í skólann sem kennaranemi fyrir 27 árum heillaðist hún svo af gróskunni og lifandi kennsluaðferðunum að upp frá því hafi hún hvergi annars staðar viljað vera. Aðrir ræðumenn töluðu á svipuðum nótum. Halla Tómasdóttir forseti Íslands rifjaði upp heimsókn sína í skólann árið 1999 og voru henni hugleikin einkunnarorð skólans; bókmennt, handmennt og siðmennt sem að hennar mati væru einmitt þau gildi sem nýttust best inn í óvissa framtíð. Inga Sæland, mennta- og barnamálaráðherra, lagði áherslu á fjölbreytileikann og þau tækifæri sem skólinn gæfi ólíkum nemendahópum. Björgu Magnúsdóttur, forseti borgarstjórnar, varð tíðrætt um hvað skólinn tæki vel á móti fólki og að Borgóandinn væri sannarlega blómlegur.
Síðustu ræðumenn voru úr hópi nemenda skólans. Arnar Steinn Þórarinsson, formaður Nemendafélags Borgarholtsskóla, var svo sannarlega kynslóð sinni til sóma og flutti eldræðu um mikilvægi þess að hlúa að fjölbreytileikanum og leggja alúð við að bjóða upp á menntun og aðstæður fyrir öll. Það var ekki laust við að nokkur rykkorn hefðu sest í augu viðstaddra þegar Arnar lýsti vellíðan sinni í skólanum og samlíðan með þeim sem berjast þurfa fyrir tilverurétti sínum.  Ræðuhöldum lauk með skemmtilegu erindi frá fyrrverandi nemanda skólans, móður nemanda og núverandi starfsmanni, Guðrúnu Völu Bílddal, en hún var í einum af fyrstu nemendahópunum sem hófu nám í skólanum. Það var hrífandi að ferðast með henni til fyrstu áranna og heyra hvað námið og kennslan í skólanum hefur nýst henni vel í lífi og störfum.
Skemmtiatriði voru fjölbreytt og engum þurfti að leiðast í athöfninni. Kór skólans flutti fjögur lög með liðsstyrk frá kórum frá Þýskalandi og Liechtenstein sem eru í heimsókn þessa viku. Stjórnandi kórsins, Guðbjörg Hilmarsdóttir, hefur unnið gríðarlega gott starf og kórinn vex og dafnar með hverju ári. Um undirleik sáu Ingvar Birnir Grétarsson, kennari við Borgarholtsskóla, Fabian Gedicke frá Þýskalandi og Gregor Vogt frá Liechtenstein.
Félagarnir Júlí Heiðar Halldórsson og Kristmundur Axel Kristmundsson fluttu Komdu til baka, ógleymanlegt sigurlag sitt í Söngkeppni framhaldsskólanna árið 2010. Fullyrða má að ekkert auga í salnum hafi verið þurrt eftir þann gjörning. Strákarnir hafa engu gleymt.
Sýnt var myndband þar sem núverandi nemendur skólans ræddu við valda fyrrverandi nemendur um valið á skólanum og áhrif hans á líf þeirra. Um framkvæmdina sáu Þorgeir Guðmundsson, sem titla má leikstjóra, og Kristín María Ingimarsdóttir, sem sá um grafík, auk fjölda annarra. Áberandi var hvað nemendur fyrr og nú eru þakklátir fyrir það mikla val sem boðið er upp á í skólanum og sveigjanleikann, þar getur hver sem er fundið eitthvað við sitt hæfi og öllum er velkomið að vera nákvæmlega eins og þau eru.
Í lokin var gestum boðið upp á kaffi og snittur og var ekki annað að sjá en að afmælisbarnið bæri aldurinn vel og muni halda áfram að blómstra.

Í vikunni mynduðu nemendur og starfsfólk aldur skólans á bílastæðinu

Æfingar fóru fram í glænýrri aðstöðu í skólanum

Í gær fylltu ljúfir tónar Grafarvogskirkju en þar voru á ferð kór skólans ásamt gestum frá framhaldsskólum í Lichtenstein og Nordhorn í Þýskalandi. Mikil ánægja var með flutning kóranna sem komu fram saman og hver fyrir sig. Dagskráin var alþjóðleg og sungið var á þremur tungumálum: íslensku, sænsku og retórómönsku en það er eitt af opinberum tungumálum í Sviss.
Nemendur í kór Borgarholtsskóla hafa undanfarið unnið með kórum frá framhaldsskólunum Liechtensteinisches Gymnasium í Vaduz og Nordhorn Gymnasium í Þýskalandi. Samstarfið er hluti af Erasmus+ menntaáætlun Evrópusambandsins sem Borgarholtsskóli er mjög virkur þátttakandi í.
Stjórnendur kóranna eru Guðbjörg Hilmarsdóttir frá Borgarholtsskóla, Heike Späthe og Fabian Gedicke frá Nordhorn  og Gregor Vogt, Nina Thüringer-Schiestl og Rest Tuor frá Liechtenstein.
Gestir voru margir og áttu vart orð til að lýsa hrifningu sinni og getur skólinn sannarlega verið stoltur af kórnum sínum.
&nbsp;

Kórarnir allir saman komnir í kirkjunni

Vélarrúmið í Brúarfossi er engin smásmíði

Mánudaginn 21. september fóru nemendur í lokaáföngum í aflvélavirkjun í vettvangsferð um borð í Brúarfoss, sem er eitt þriggja systurskipa í eigu Eimskipa. Þetta eru stærstu skip Íslendinga og óhætt að segja að allt um borð sé í stórum stíl. Aðalvélin er 24.000 hestöfl og rafaflsþörfin mælist í megavöttum.
Heimsóknin var afar áhugaverð og móttökurnar frábærar. Sigurður Rafnson yfirvélstjóri leiddi hópinn um vélarrúmið og kynnti þann fjölbreytta búnað sem þarf til að svo stórt skip geti sinnt hlutverki sínu.
Sigurði yfirvélstjóra og Eimskipum er þakkað kærlega fyrir góðar móttökur og fróðlega leiðsögn.

Glæsilegur hópur vélvirkjanema ásamt Sigurði yfirvélstjóra á Brúarfossi

Kristján Már kynnir fyrirtækið Klett hf.

Páll og Karl aftur og nú sést vélin betur

Á miðvikudaginn heimsóttu nemendur í vélvirkjun, ásamt kennara sínum, Jóhanni Pálsyni, fyrirtækið Klett hf. sem er umboðsaðili fyrir Caterpillar-vinnuvélar og Scania vörubíla og rútur. Heimsóknin er árlegur viðburður og móttökur eru ávallt afskaplega höfðinglegar.
Páll Theódórsson verkstjóri og Karl Geirsson sölumaður tóku á móti hópnum og leiddu um fyrirtækið sem er staðsett í stóru og vel búnu húsnæði við Sundahöfn. Þar biðu frábærar fréttir.
Hópurinn fékk að skoða glænýja dísilvél með öllum helsta búnaði sem fylgir nútímavélum, þar á meðal mengunarvarnabúnaði. Þessa vél ætlar fyrirtækið að færa skólanum að gjöf til kennslu á vélvirkjabrautinni. Þessi rausnarlega gjöf er frábær viðbót við þann búnað sem fyrir er og er eins og gengur kominn til ára sinna. Mun nýja vélin nýtast vel við kennslu í framtíðinni.
Eftir gönguferð um húsakynnin hélt Kristján Már Atlason, forstjóri Kletts, kynningu á fyrirtækinu og áherslum þess til framtíðar.
Þetta var afar vel heppnuð vettvangsferð og fær Klettur hf. kærar þakkir fyrir góðar móttökur og þessa rausnarlegu gjöf.

Um helgina var haldið sveinspróf í vélvirkjun í málmskálanum.  Að þessu sinni þreyttu 22 nemar prófið en sjaldan eða aldrei hafa jafn margir tekið prófið hjá okkur.  Flestum gekk vel og stóðust prófið en eins og stundum gerist þurfa einhverjir að koma og taka hluta þess aftur.
Tilvonandi nýsveinum er óskað bjartrar framtíðar og til hamingju með prófið.

Reglulega fáum við í Borgarholtsskóla gesti frá útlöndum. Starfsfólk tekur virkan þátt í erlendu samstarfi enda er mikill áhugi á skólanum ytra. Oftast koma gestirnir frá Evrópulöndum en í vikunni var hér hópur á ferð sem var lengra að kominn.
Um var að ræða nemendur og kennara frá Otemon framhaldsskólanum í Japan. Forsaga heimsóknarinnar er sú að í vor fór starfsfólk Borgarholtsskóla í heimsókn í tvo skóla í Osaka. Otemon framhaldsskólinn kom til greina sem annar þeirra en þrátt fyrir að aðrir skólar hafi á endanum orðið fyrir valinu leist forsvarsfólki hans svo vel á Borgó að þau ákváðu að heimsækja okkur í Íslandsferð sinni. Í hópnum voru 19 nemendur og þrír kennarar ásamt leiðsögukonu.
Það var Nökkvi Jarl Bjarnason sem tók hlýlega á móti hópnum og leiddi þau um skólann ásamt nemendum sínum í íslensku 2A05. Nökkvi kennir japönsku við Háskóla Íslands og tók einnig á móti hópnum þar.
Það er gaman þegar tveir nemendahópar hvor úr sínum heimshluta hittast og kynnast. Nemendur okkar skemmtu sér konunglega og voru mjög spenntir fyrir heimsókninni. Þau stóðu sig  öll stórvel við að kynna skólann og þekking þeirra, framkoma og áhugasemi var til fyrirmyndar.

Fjórir nemendur í bifvélavirkjun eru nú við nám í Ystad Gymnasium framhaldsskólanum í Svíþjóð. Þetta eru þau Reynir Þór Egilsson, Viktor Ágúst Kristinsson, Bjarni Fannar Eiðsson og Júlía Freydís Egilsdóttir. Þau hafa verið í starfsnámi á verkstæðum í borginni í tvær vikur og fengum við þær fréttir að þau hafi verið til mikillar fyrirmyndar og var verkum þeirra hrósað í bak og fyrir.
Það er ánægjulegt að heyra af góðu gengi nemenda okkar á erlendri grund. Krakkarnir hafa unað sér vel í Svíþjóð og nota að sjálfsögðu tækifærið til að skreppa til Kaupmannahafnar og heimsækja Tívolíið og Strikið.

Það er vissara að vera með hjálma og höfuðljós í hellaferðum

Leikgleðin við völd í nýnemaferð ÍAK

Í dag, þriðjudag, skelltu nýnemar í íþróttaakademíunni sér í hópeflisferð útfyrir bæjarmörkin. Ferðin hófst með því að hópurinn fékk leiðsögn um hella í námunda við Þorlákshöfn og gæddu þau sér á kakó og kleinum. Síðan lá leiðin í Hveragerði þar sem hópurinn hristi sig saman í leikjum og baðaði sig í sólinni.
Dagurinn var frábær og skemmtu nemendur ÍAK sér konunglega og voru sjálfum sér og skólanum til mikils sóma.

Ánægðir nýnemar í haustsólinni í Hveragerði

Ásta Laufey afhenti fjórmenningunum blómvendi

Fulltrúar nemendafélagsins skammta kökuna

Undirleikararnir og stjórnandi kórsins baðaðir birtu

Í dag er mikill hátíðisdagur en haldið er upp á að kennsla hófst í Borgarholtsskóla þann 2. september 1996. Skólinn á því þrjátíu ára starfsafmæli.
Margt hefur breyst frá þessum fyrsta starfsdegi skólans og til vitnis um það má nefna að í ár var fyrsti kennsludagur þann 19. ágúst. Skólaárið hefur því lengst töluvert og skipulag námsins tekið stakkaskiptum. Lesa má brot úr sögu skólans <a href="https://www.borgo.is/skolinn/saga-skolans">hér</a>.
Í dag voru fjórir merkismenn heiðraðir fyrir að hafa starfað við skólann frá fyrsta degi. Það voru þeir Bjarni Jóhannsson, íþróttakennari, Egill Þór Magnússon, kennari í málmiðngreinum, Óttar Ólafsson, náttúrufræðikennari og Guðmundur Þórhallsson, stærðfræðikennari sem mættu til kennslu í dag rétt eins og fyrsta kennsludag skólans fyrir þrjátíu árum síðan. Þeir eru sannarlega góður vitnisburður um að það er engin leið að hætta í Borgó. Hinn sístækkandi og glæsilegi kór skólans flutti ljúfa tóna við undirleik Anton Más, Theódórs og Guðbjargar sem stjórnar kórnum og að sjálfsögðu tóku öll viðstödd vel undir afmælissönginn.  Eins og í öllum almennilegum afmælisveislum gæddu gestir sér síðan á ljúffengri afmælisköku og ískaldri mjólk.
Áframhaldandi hátíðahöld eru sannarlega tilhlökkunarefni og afmælisbarnið ber aldurinn einstaklega vel.

Jóhann kennari virðir fyrir sér nýju græjuna

Þetta er tækið, SKF leiser afréttingatæki fyrir öxla

Við afhendingu tækisins umvafðir nammikössum

Enn berast skólanum góðar gjafir. Að þessu sinni er um að ræða gjöfult samstarf málm- og véltæknibrauta við sælgætisgerðina Góu.
Upptök samstarfsins má rekja til þess þegar tveir kennarar við málm- og véltæknibraut skólans, Jóhann Pálsson og Ingvi Pétursson, fengu bilað kælikerfi að gjöf frá Sjóvá fyrir nokkru síðan en félagið hefur verið mjög gjafmilt og gefið skólanum tæki sem þarfnast viðgerðar. Jóhann og Ingvi löguðu kælikerfið ásamt nemendum og fóru með það til Góu þar sem slíkt tæki vantaði fyrir framleiðsluna.
Fimmtudaginn síðastliðinn launaði Góa svo greiðasemina og færði skólanum SKF laser afréttingartæki fyrir öxla sem kostar um 800 þúsund krónur.  Með tækinu er hægt að sjá með mikilli nákvæmni hvort öxlar séu réttir eða ekki þegar þeir hafa verið settir í vélar.  Ef þörf er á eru öxlarnir réttir af og er sú kunnátta mikilvæg í vélauppsetningu, nákvæmnisvinnu og hátækniiðnaði.
Þetta framtak er gott dæmi um gagnvirkt samstarf sem skólinn á við fjölda fyrirtækja. Slík samvinna færir nemendum tækifæri til að vinna að raunverulegum verkefnum og tengir þá við atvinnulífið.
Sælgætisgerðinni Góu eru færðar kærar þakkir fyrir framtakið en hér fylgja myndir frá afhendingu afréttingartækisins. Framkvæmdastjóri fyrirtækisins, Helgi Vilhjálmsson, og barnabarn hans og nafni, Helgi Már Gíslason, sem rekur fyrirtækið í dag afhentu gjöfina.  Kennararnir Ingvi Pétursson og Jóhann Pálsson tóku á móti gjöfinni ásamt Ellert Danelíussyni, deildarstjóra málm- og véltæknibrauta, og Ingibjörgu Guðmundsdóttur, sviðstjóra iðn- og starfsnáms skólans.
&nbsp;

Helgi í Góu og nafni hans og barnabarn afhenda kennurum skólans græju að gjöf

Sigríður Birna frá Sjóvá, Ingibjörg Guðmundsdóttir sviðsstjóri iðn- og starfsnáms, Ólafur Gunnar Pétursson, deildarstjóri bíltæknibrauta og Sigurður Srdjan Jovisic, starfsmaður Sjóvá við afhendingu bílsins

Fallega innpökkuð gjöf með góðu ráði: Ánægja er að kunna sitt fag

Í gær fengu starfsfólk og nemendur bíltæknibrauta góða heimsókn en þar var á ferðinni Sigríður Birna Róbertsdóttir, verkefnastjóri ökutækjatjóna hjá Sjóvá, með Hyundai IONIQ 5 rafmagnsbíl í farteskinu. Bíllinn er reyndar ekki alveg í lagi og hentar því vel í kennslu í deildinni. Með þessari góðu gjöf styður tryggingarfélagið við verklega kennslu og eflir menntun framtíðar fagfólks í bílgreinum.
Rafmagnsbíllinn lenti í óhappi þar sem rafhlaðan varð fyrir skemmdum. Kostnaður við viðgerð er umtalsverður og bíllinn fer því ekki aftur í umferð en í staðinn nýtist hann nú sem raunhæft kennslutæki. Bíllinn er ökuhæfur og hjólabúnaður í lagi, sem gefur nemendum fjölbreytt tækifæri til verklegrar þjálfunar í bifvélavirkjun, bílasmíði og bílamálun.
Stuðningur sem þessi er mikilvægur þáttur í að efla starfsmenntun og er glæsilegur vitnisburður um hvað samstarf atvinnulífs og menntastofnana gefur nemendum góð tækifæri til að spreyta sig á raunverulegum viðfangsefnum og öðlast þannig hæfni sem nýtist þeim í atvinnulífinu.

Nemendur og starfsfólk á bíltæknibrautum taka við glæsilegri gjöf frá Sjóvá

Nemandi spyr JÁ og NEI menn krefjandi spurningar

Í dag fengu bæði JÁ- og NEI-sinnar tækifæri til að kynna málstað sinn fyrir nemendum og starfsfólki skólans. Þeir Helgi Hrafn Gunnarson og Steinar Ingi Kolbeins tóku að sér að vera fulltrúar sitthvorrar fylkingarinnar og fengu þeir sínar átta mínúturnar hvor til að fara yfir rök sín í málinu. Að framsögum loknum fengu fundargestir tækifæri til að spyrja þá félagana út í málflutninginn og spurðu nemendur þá krefjandi spurninga sem þeir svöruðu eftir bestu getu.
Fá þeir Helgi og Steinar bestu þakkir fyrir upplýsandi málflutning og nemendur hrós fyrir skynsamlegar spurningar. Eins fá þau Hanna Björg og Guðmundur Edgarsson, kennarar við skólann, hrós og þakkir fyrir sköruglega fundarstjórn.

Frummælendur ásamt öðrum af tveimur fundarstjórum

Keppnin var hörð í flokki Ragnars Inga

Eldsnemma föstudagsmorguninn 21. ágúst hóf Borghyltingurinn Ragnar Ingi Ragnarsson keppni á heimsmeistaramóti unglinga í kraftlyftingum sem haldið var í Sun City í Suður-Afríku. Ragnar Ingi er á þriðja ári í skólanum og stundar nám í bifvélavirkjun og tekur einnig viðbótarnám til stúdentsprófs. Á mótinu gerði hann sér lítið fyrir og hafnaði í fimmta sæti í sínum flokki sem er mínus 66 kílóa drengjaflokkur (sub-junior). Hér að neðan má sjá árangur Ragnars Inga í bekkpressu en þar hlaut hann gullverðlaun, hnébeygju og réttstöðulyftu. Hægt er að lesa nánari lýsingu á frammistöðu Ragnars Inga á <a href="https://kraft.is/hm-unglinga-i-klassiskum-kraftlyftingum-ragnar-ingi-med-gull-i-bekkpressu/" target="_blank" rel="noopener">heimasíðu Kraftlyftingasambands Íslands</a>.
Við getum svo sannarlega verið stolt af Ragnari Inga og er honum óskað hjartanlega til hamingju með árangurinn.

Þriðjudaginn 18. ágúst var fyrsti dagur nýnemanna okkar en hefð er fyrir því að leyfa þeim að kynnast skólanum degi áður en eldri nemendur fylla gangana. Góð mæting var á fund í matsalnum um morguninn en þar fengu nemendur kynningu á skólahúsnæðinu, stjórnendum og þeirri þjónustu sem boðið er upp á í skólanum. Nemendafélagið afhenti öllum nýnemnum glæsilega hettupeysu hannaða af Jökli Ísfjörð Matthíassyni, nemanda á listnámsbraut.
Umsjónarkennarar tóku þá við sínum hópum og að loknum kynningum hjá þeim fengu nemendur pylsur áður en haldið var í Skemmtigarðinn í Gufunesi. Þar var farið í skemmtilega hópeflisleiki. Veðrið lék við hvern sinn fingur og starfsfólk og nemendur sneru til baka með sól í sinni og roða á kinnum. Eftir þennan skemmtilega dag eru nýnemar án nokkurs vafa mun öruggari að hefja nám sitt við skólann.
Seinna sama dag var kynning fyrir foreldra/forráðafólk nýnema þar sem þeim var boðið að kynnast starfsemi skólans og þjónustu hans. Mæting fór fram úr öllum vonum og er ljóst að forráðafólk nýnema hyggst taka virkan þátt í námi barna sinna.

Kennsla hefst í dagskóla og kvöldskóla miðvikudaginn 19. ágúst. Stundatöflur verða opnar í <a href="http://www.inna.is/">INNU</a> frá föstudeginum 14. ágúst og þar má einnig nálgast lista yfir námsgögn. Útskriftarefni þessa skólaárs eru hvött til að fá ráðgjöf þann dag hjá áfangastjóra og sviðsstjórum. Mikilvægt er að ganga úr skugga um að allir nauðsynlegir áfangar til útskriftar séu í stundatöflu.
Töflubreytingar fyrir alla nemendur aðra en nýnema eru mögulegar frá og með föstudeginum 14. ágúst en úrsögn úr áföngum lýkur þann 31. ágúst.  Beiðnir um töflubreytingar eru sendar á <a href="http://www.inna.is/">INNU</a> og verða þær afgreiddar svo fljótt sem auðið verður. <a href="https://wp.borgo.is/wp-content/uploads/Leidbeiningar-vegna-toflubreytinga-vor-2024.pdf">Leiðbeiningar um rafrænar töflubreytingar.</a>
Þriðjudaginn 18. ágúst verður nýnemadagur en þá mæta allir nýnemar fæddir 2010 eða seinna í skólann klukkan níu um morguninn og taka þátt í dagskrá á vegum skólans og nemendafélagsins til klukkan 14:00.
Kynning fyrir foreldra nýnema verður klukkan 16:30 í matsal skólans þriðjudaginn 18. ágúst. Kynningin er fyrst og fremst ætluð foreldrum nýnema sem luku 10. bekk sl. vor.
Fimmtudaginn 20. ágúst verður kynning fyrir nemendur í dreifnámi. Kynningin verður á Teams og hefst klukkan 17:00. <a href="https://teams.microsoft.com/meet/324680329821217?p=tpIjc24Q6SEbZW9HFN">Hér</a> er hægt að skrá sig á kynninguna. Kennsla í dreifnámi hefst þann 28. ágúst en fyrsta staðlota annarinnar er 28. og 29. ágúst. Tíma- og staðsetningar er að finna í stundatöflu á INNU.
Hægt er að fylgjast með lífinu í skólanum á <a href="https://www.instagram.com/borgo_skoli/">instagramsíðum skólans, </a><a href="https://www.instagram.com/nfbhs/">nemendafélagsins</a> auk<a href="https://www.nfbhs.com/"> vefsíðu NFBHS</a>.
<a href="https://www.borgo.is/skolinn/spurningar-og-svor">Spurningar og svör varðandi skólann.</a>

Nú er úrvinnslu umsókna um nám við skólann á komandi haustönn lokið. Aðsókn var mikil og var því miður ekki hægt að taka inn alla þá sem vilja stunda hér nám.
Alls voru samþykktar 238 umsóknir nýnema sem útskrifuðust úr grunnskóla nú í vor. Umsóknir eldri nemenda voru einnig fjölmargar og fengu 204 umsækjendur inni í skólanum fyrir haustönnina. Það er því ljóst að líf og fjör verður í Borgó í haust þar sem gert er ráð fyrir að alls 1414 nemendur verði við nám við skólann á haustönn.
Um leið og umsækjendum er þakkað fyrir að velja Borgó óskum við þeim og öðrum nemendum og velunnurum skólans gleðilegs sumars. Nýnemar fæddir 2010 verða boðnir velkomnir á sérstökum nýnemadegi 18. september og kennsla hefst samkvæmt stundatöflu 19. september.
Við hlökkum til að hitta ykkur öll hress og endurnærð eftir sumarfrí!

Líf og fjör verður í skólanum á næstu önn sem endranær

Anton Már Gylfason hefur verið ráðinn aðstoðarskólameistari við skólann. Anton Már hóf kennslu við skólann árið 2001 og kenndi þá stærðfræði, heimspeki og fleira. Anton var kennslustjóri bóknámsbrauta 2012-2017 og verkefnastjóri mætingamála 2009-2017. Hann hefur verið áfangastjóri skólans frá árinu 2017 og aðstoðarskólameistari í afleysingum 2021-2022, auk þess að sinna fjölmörgum öðrum verkefnum, s.s. prófstjórn, verkefnastjórn við innleiðingu nýrra framhaldsskólalaga, ritstjórn vefs skólans og ritstjórn skólanámskrár.
Það er mikil gæfa fyrir skólann, og ekki síst Ástu Laufeyju skólameistara, að fá svo traustan mann með mikla reynslu í þessa stöðu en Anton Már verður hægri hönd og staðgengill hennar næstu árin.

Anton Már Gylfason ráðinn aðstoðarskólameistari

Ýmis verkefni voru lögð fyrir nemendur

Dagana 30. og 31. maí var haldið sveinspróf í blikksmíði í skólanum. Alls þreyttu sex nemendur prófið en þeir hafa allir stundað nám sitt við Borgarholtsskóla. Prófið gekk mjög vel fyrir sig og var almenn ánægja með framkvæmd og niðurstöður.

Í vikunni voru landsliðsstyrkir íþróttaakedemíu Borgarholtsskóla afhentir. Fjórir nemendur voru styrktir að þessu sinni en það voru þau Haukur Freyr Karvelsson (íshokkí), Gabriel Egilsson (íshokkí), Jónas Björn Guðmundsson (júdó) og Lilja Katrín Gunnarsdóttir (fimleikar). Upphæð hvers styrks er 25.000 krónur og er vegna landsliðsverkefna í vetur.

Gabriel, Haukur og Jónas ásamt Ingu Láru, sviðsstjóra íþróttaakademíu og Ástu Laufeyju, skólameistara við afhendingu styrksins

Enn berast skólanum góðar gjafir. Að þessu sinni er það ný skurðarvél sem leysir gamla plasmavél sem hafði þjónað skólanum vel og lengi af hólmi. Gamla vélin var orðin úrelt tæknilega en nýja vélin er leiserskurðarvél sem getur framkvæmt ýmsa skurði sem ekki hefur verið hægt að ná fram til þessa. Vélin er gjöf frá HD og fleiri fyrirtækjum og eru þeim færðar kærar þakkir fyrir rausnarskapinn. Nú geta nemendur og kennarar í málmiðngreinum þróað sig áfram í nýrri tækni og spreytt sig á spennandi verkefnum.

Ásta Laufey Aðalsteinsdóttir skólameistari

Anton Már Gylfason flytur annál vorannar

Flosi Jón Ófeigsson var kynnir á hátíðinni

Guðlaug Gyða Hannesdóttir flutti ávarp útskriftarnema

Þórhildur Vala Kjartansdóttir flutti ávarp 10 ára útskriftarnema

Guðrún Vala Bílddal Jónsdóttir flutti ávarp 25 ára útskriftarnema

Guðrún Sigurðardóttir kennari á sérnámsbraut var kvödd 

Fjölbreytni námsframboði endurspeglast í fjölbreyttum nemendahópi

Útskriftarnemar af félagsvirkni- og uppeldissviði

Brautskráning frá Borgarholtsskóla fór fram í Háskólabíói laugardaginn 23. maí. Athöfninni var streymt á Facebook síðu skólans af nemendum í kvikmyndagerð undir stjórn Þorgeirs Guðmundssonar kennara.
Fyrir athöfnina og við upphaf hennar lék Skólahljómsveit Mosfellsbæjar tónlist undir stjórn Daníels Friðjónssonar.
Dagskráin hófst með ávarpi Ástu Laufeyjar Aðalsteinsdóttur, skólameistara, sem bauð gesti og útskriftarefni velkomin áður en hún gaf kynni athafnarinnar, Flosa Jóni Ófeigssyni, orðið.
Fyrstur á dagskrá var annáll skólaársins. Anton Már Gylfason, áfangastjóri, fór yfir starfsemina á þessu 29. starfsári skólans. Á vorönn stunduðu alls 1270 nemendur nám við skólann, 261 í dreif- og kvöldnámi, en 1002 í dagskóla. Nemendur skiptust á fjögur svið og voru 757 í iðn- og starfsnámi, 277 stunduðu bóknám til stúdentsprófs, 122 voru á listnámsbraut og 114 í undirbúnings- og sérnámi. Anton fór bæði yfir hefðbundið skólastarf og viðburði í félagslífi nemenda sem var blómlegt að vanda og nemendaráð stóð sig með mikilli prýði.
Kór skólans sá um tónlistaratriði á milli dagskrárliða. Þau fluttu lögin From the Start eftir Laufeyju Lin Jónsdóttur og Vikivaka eftir Valgeir Guðjónsson og Jóhannes úr Kötlum undir stjórn Guðbjargar Hilmarsdóttur, söngkennara skólans.
Ásta Laufey og Anton Már sáu um brautskráningu nemenda ásamt sviðsstjórum en tæplega 150 nemendur voru brautskráðir af flestum námsbrautum skólans og sumir útskrifuðust af fleiri en einni braut. Öllum útskriftarnemum var afhent birkiplanta til gróðursetningar en það er hefð sem var innleidd á fyrstu árum skólans. Fjölmörg verðlaun og viðurkenningar voru veitt fyrir frábæran námsárangur og skólasókn. Mörg verðlaunanna voru gjafir frá velunnurum skólans, fyrirtækjum og félagasamtökum.
Guðlaug Gyða flutti kveðjuávarp útskriftarnema en hún brautskráðist af leiklistarkjörsviði listnámsbrautar. Ávarp 10 ára útskriftarnema flutti Þórhildur Vala Kjartansdóttir og Guðrún Vala Bílddal Jónsdóttir flutti ávarp 25 ára útskriftarnema.
Ásta Laufey, skólameistari, flutti kveðjuávarp til úrskriftarnemenda. Hún lagði áherslu á þær ólíku leiðir sem farnar hafa verið í átt að þessum áfanga. Mismunandi hindranir hafa mætt nemendum og miklu máli skiptir að hafa þrautseigju og seiglu að leiðarljósi. Áfanginn sem nemendur ljúka í dag er ekki einungis á pappír heldur vitnisburður um þann lærdóm og þroska sem þeir hafa tekið út í náminu við skólann og mun fylgja þeim út í lífið.
Í lok athafnarinnar var Guðrún Sigurðardóttir, kennari við sérnámsbraut skólans, kvödd. Guðrún hóf störf við skólann árið 1999 og lagði grunninn að starfsemi brautarinnar sem kennari og fagstjóri. Öðru starfsfólki skólans var þakkað fyrir vel unnin störf og gott samstarf á skólaárinu. Velunnurum skólans var þakkað fyrir þeirra framlag til skólastarfsins. Einnig var öllum þeim sem með einum eða öðrum hætti komu að framkvæmd og skipulagningu brautskráningarinnar færðar sérstakar þakkir.
Að lokum var nemendum óskað velfarnaðar og góðs gengis í að ná sínum markmiðum, auk þess sem þeim var þakkað fyrir að lífga upp á skólalífið á námsárum sínum.
Fleiri myndir frá athöfninni eru á <a href="https://www.facebook.com/Borgarholtsskoli">facebook síðu skólans</a>.

Útskriftarhópur Borgarholtsskóla vorið 2026

Brautskráning frá Borgarholtsskóla verður í Háskólabíói í dag og hefst athöfnin klukkan 14. Einnig verður hægt að fylgjast með athöfninni í beinu streymi á <a href="https://www.facebook.com/Borgarholtsskoli">Facebooksíðu skólans.</a>

Inga Sæland, mennta- og barnamálaráðherra, skipaði í dag Ástu Laufeyju Aðalsteinsdóttur skólameistara Borgarholtsskóla. Ásta Laufey hóf störf við skólann sem enskukennari árið 2000 og hefur sinnt ótal öðrum störfum innan hans síðan. Hún hefur starfað sem verkefnastjóri mannauðsmála, fulltrúi í félags- og forvarnarteymi og kynningarstjóri. Hún var ráðin aðstoðarskólameistari árið 2017 og hefur tvívegis verið sett skólameistari í afleysingum.
Það er gríðarlegur fengur fyrir skólann að fá Ástu Laufeyju sem skólameistara en hún er afkastamikill orkubolti sem lætur málefni skólans sig miklu varða.

Ásta Laufey Aðalsteinsdóttir, nýr skólameistari Borgarholtsskóla

Hópurinn sem tók þátt ásamt Klöru aðstoðarleikskólastjóra og Kristínu Maríu, kennaranum sínum

Í vetur hafa nemendur á þriðja ári í grafískri miðlun unnið að hönnun merkis (lógós) fyrir leikskólann Laufskála við Laufrima í Grafarvogi. Efnt var til verðlaunasamkeppni þar sem starfsfólk og nemendur leikskólans völdu úr tillögum nemendanna í Borgó. Unnið var með einkunnarorð leikskólans sem eru gleði, virðing og opinn hugur. Börnin á elstu deildinni komu með óskir um hvernig þau vildu hafa merkið og stjórnendateymi og flestir nemendur leikskólans kusu þá tillögu sem þeim leist best á.
Nemendur í grafísku miðluninni sýndu mikinn metnað og hugmyndaauðgi við útfærslur á merki leikskólans og niðurstöðurnar eru glæsilegar eins og sést á meðfylgjandi myndum. Klara Kristjánsdóttir, aðstoðarleikstjórastjóri, veitti nemendum í þremur efstu sætunum skissubækur í verðlaun frá foreldrafélagi leikskólans en auk þess býður félagið öllum hópnum í keilu og pizzu í Keiluhöllinni.
Verðlaunasætin voru sem hér segir:
1. sæti: Grétar Páll Sigursteinsson 
2. sæti: Sara Ósk Benediktsdóttir 
3. sæti: Elísabet Lilja Gröndal
Sérstök heiðursverðlaun fékk síðan Josias Eduardo Mondragon Urena en hugmynd hans var valin sú besta af leikskólanemendum. Grétar Páll fær aðstoð kennara við grafíska miðlun, þeirra Kristínar Maríu og Kristínar Þóru, við að fullvinna hugmynd sína og verður merki hans notuð á allt efni leikskólans í framtíðinni. Þetta verkefni er sannarlega til fyrirmyndar og er góður vitnisburður um hvað samstarf samstarf skólans við fyrirtæki og stofnanir í nærumhverfinu getur verið gjöfult.

Verðlaunahafar frá vinstri til hægri: Josias, Elísabet, Sara og Grétar

Í morgun fylltist skólinn af alls konar kynjaverum. Hér voru til dæmis á ferðinni vampírur, kúrekar, kýr, bangsar, mörgæsir og íþróttaálfar frá níunda áratugnum sem við eigum ekki að venjast svona dags daglega á göngunum.
Þarna var um að ræða væntanlega útskriftarnemendur sem klæddu sig upp í tilefni af svo kallaðri dimmisjón sem er hátíð nemenda í tilefni af námslokum í framhaldsskóla. Samkvæmt hefð leyfist nemendum að mæta óvenjulega klæddir og fara út fyrir hegðunarrammann einu sinni á námsferlinum og það er í aðdraganda útskriftar.
Í ár var hópurinn einstaklega fjörugur og frumlegur. Hópar tóku sig saman og klæddu sig í stíl og var þess gætt að enginn sem á annað borð kærði sig um að mæta í búning yrði útundan. Útkoman var sérlega glæsileg eins og sést á meðfylgjandi myndum.
Nemendunum var boðið í vel útilátinn morgunverð í matsal kennara sem fram að því hafði verið forboðinn staður fyrir þá. Síðan héldu krakkarnir út í borgina með langferðabifreið á vit óvæntra áskorana. Þeim er óskað góðrar og fallegrar skemmtunar í sólarblíðunni.

Litríkur hópur á leið á vit ævintýranna

Leikhópurinn sem stóð að sýningunni Ástin er diskó, lífið er pönk

Rúnturinn var í algleymingi árið 1980

Kennarar fengu blóm fyrir vel unnin störf

Allt sem þarf að vita um sýningu grafískrar hönnunar

Fjölbreytt og frumleg verk á sýningu í Spöng

Sýningin í Spönginni er virkilega vel upp sett

Allt sem þarf að vita um kvikmyndasýninguna

Um þessar mundir er mikið um að vera í skólanum. Nemendur eru í óða önn að lesa fyrir síðustu prófin og leggja lokahönd á verkefnin sín. Sum verkefni verða geymd í kolli nemenda og sjást einungis sem einkunn í Innu en önnur eru sýnilegri. Sérstaklega á það við um útskriftarverkefni listnámsbrautarnemenda.
Nemendur og kennarar hafa staðið í ströngu við uppsetningu á lokaverkefni þriðja árs nema á leiklistarkjörsviði. Verkefnið var byggt á söngleiknum Ástin er diskó, lífið er pönk eftir þá Hallgrím Helgason og Þorvald Bjarna Þorvaldsson. Sögusvið verksins er Reykjavík kringum árið 1980. Diskódrottningin Rósa og pönkarinn Nonni verða ástfangin og þar með mætast tveir menningarheimar og tónlistarstefnur með tilheyrandi hamagangi.  Þau frumsýndu söngleikinn Ástin er diskó, lífið er pönk í húsnæði Leikfélags Kópavogs í Funalind við gríðarlegan fögnuð viðstaddra síðasta föstudag en aðgangur var ókeypis þar sem um skólaverkefni er að ræða. Þrjár sýningar voru haldnar um síðustu helgi.
Sýningin var nemendum og kennurum til sóma og ljóst er að mikil vinna hefur farið í undirbúning og uppsetningu. Verkefnið var unnið undir stjórn Guðnýjar Maríu sviðsstjóra auk Guðbjargar söngkennara,  Guðmundar hreyfikennara og Evu Bjargar leikmyndakennara á brautinni. Bæði nemendum og kennurum sem komu að sýningu er óskað innilega til hamingju með vel lukkað lokaverkefni. Hér að neðan má sjá myndir af líflegu lokaverkefni leiklistarkjörsviðs.
Útskriftarsýning nemenda í grafískri hönnun verður opnuð í Borgarbókasafninu í Spönginni á morgun, fimmtudag. Hefð hefur skapast fyrir samvinnu bókasafnsins og skólans og njóta verk nemenda sín virkilega vel í húsnæði safnsins. Hægt er að skoða þessara áhugaverðu og metnaðarfullu sýningu til 20. maí.
Síðast en ekki síst verða lokaverkefni nemenda í kvikmyndagerð sýnd í Bíó Paradís á laugardaginn klukkan 13. Nemendur hafa lagt mikið á sig undanfarna mánuði og afraksturinn er 13 stuttmyndir í leikstjórn nemenda. Auk þess að leikstýra og framleiða sínar eigin myndir hjálpa nemendur hverjir öðrum varðandi upptökur, hljóð og fleira.
Það eru spennandi tímar framundan en sýningarnar frá grafískri hönnun og kvikmyndagerð eru opnar öllum sem hafa áhuga á að kynna sér gróskumikið starf á listnámsbrautum skólans.

Sýning grafískrar hönnunar í Spönginni er tilefni til að vera stolt

Inga sviðstjóri og Skarphéðinn deildarstjóri við móttöku gjafarinnar

General Fittings og Húsasmiðjan eru sterkir bakhjarlar skólans

Á dögunum færði Húsasmiðjan pípulagnadeild skólans góðar gjafir. Deildinni voru færðar efnisgjafir, bæði álpes og pexrör ásamt tengistykkjum frá General Fittings á Ítalíu. Þetta efni gefur pípulagnadeildinni færi á að lækka efniskostnað í ákveðnum áföngum.
Fyrir utan þessar efnisgjafir færði Húsasmiðjan pípulagnadeildinni verðlaun og gjafakort til að afhenda útskriftarnemum á brautskráningadegi 23. maí næstkomandi.
Það er mikil búbót fyrir skólann okkar að hafa svona frábæra bakhjarla sem styðja svona vel við okkur og ekki er síðra að vera með frábært starfsfólk pípulagnadeildarinnar sem er duglegt að sækjast eftir styrkjum og gera brautina enn betri.

Tengistykki frá General Fittings (mynd af heimasíðu fyrirtækisins)

Í vikunni hefur mikið verið um að vera í tengslum við væntanlegar sveitastjórnarkosningar þann 16. maí. Á mánudaginn komu fulltrúar flestra stjórnmálaflokka og ræddu við nemendur í pallborði í matsalnum. Nemendum bauðst að senda inn spurningar um það sem helst brennur þeim í brjósti fyrir fram og voru  umræður mjög líflegar.
Á miðvikudaginn voru svo haldnar skuggakosningar en þar gafst nemendum sem fæddir eru 2004 eða síðar tækifæri til að æfa sig í lýðræðislegri þátttöku og kynnast kosningaferlinu áður en alvaran tekur við. Kjörstaðir voru tveir í skólanum, í bóknámshluta og verknámi. Formaður kjörstjórnar var Arnar Steinn Þórarinsson, væntanlegur formaður nemendaráðs, en hann stjórnaði einnig pallborðsumræðunum af mikilli röggsemi. Í kjörnefnd sátu Emma Lind Aðalsteinsdóttir, Friðfinnur Sölvi Hrefnuson, Hilmar Elías Hermannsson, Indriði Elvar Magnússon, Kolbrún Klara Vikarsdóttir, Refur Leó Ólafsson og Særún Georgsdóttir. Stóðu þau sig með miklum sóma og eiga mikið hrós skilið fyrir einstaklega sköruglega framgöngu. Kennarar sem voru krökkunum innan handar við framkvæmdina voru Guðbjörg Hilmarsdóttir og Flosi Jón Ófeigsson.
Á kjörskrá voru 851 nemandi en einungis 85 nýttu kosningarétt sinn. Það er því ljóst að þrátt fyrir framúrskarandi framgöngu kjörstjórnar er margt óunnið við að virkja nemendur okkar til lýðræðisþátttöku.

Arnar Steinn stjórnaði pallborðsumræðum með glæsibrag

Nemendur og kennarar skólans eru ótrúlega útsjónarsamir í að komast í samstarf við ýmsa aðila utan skólans. Hér eru tvö dæmi um skemmtileg verkefni sem sýna fjölbreytileika skólans vel.
Annars vegar hafa nemendur í áfanganum Heilsa, hreyfing og hreysti (HHH3A05), á Heilsu- og lífsstílsbraut unnið að því á önninni að skipuleggja heilsueflandi viðburð í nærsamfélaginu í samvinnu við samnemendur og valinn markhóp. Verkefnið fólst í því að undirbúa og framkvæma hreyfistundir fyrir leikskólabörn annars vegar og eldri borgara hins vegar.  Verkefnið var unnið í samvinnu við eldri borgara sem stunda hreyfingu hjá „Frísk í Fjölni“ og leikskólann Engjaborg.
Skemmst er frá því að segja að verkefnið gekk mjög vel í alla staði og stóðu nemendur sig frábærlega og voru skólanum öllum til mikils sóma.
Í hinu verkefninu heimsóttu fyrsta árs nemendur í leiklist leikskólann Laufskála í Rimahverfi og sýndu leikskólabörnunum ýmsar sirkuslistir sem þau hafa lært hjá kennurum sínum, Nick Candy og Guðmundi Elíasi í áfanganum LEI2C05 &#8211; Sirkus og bardagatækni. Eins og gera má ráð fyrir vakti sýningin stormandi lukku barnanna enda mikið sjónarspil. Þetta er ekki fyrsta sýning þessara nemenda en þau sýndu líka frábæra sirkustæknisýningu í Ráðhúsi Reykjavíkurborgar á sumardaginn fyrsta.
Þess má geta að nemendur í grafískri hönnun eru einnig að hanna nýtt lógó fyrir leikskólann Laufskála svo það má segja að Borghyltingar komi heilmikið að skólastarfi þessa flotta leikskóla.

Í dag fengu nemendur í lífsleikni frábæra heimsókn frá Geðhjálp. Héðinn Unnsteinsson kom og ræddi um geðheilsu og geðheilbrigði.
Um geðfræðsluna:
Góð geðheilsa er undirstaða lífsgæða og lífsánægju. Geðheilbrigði er ekki aðeins það að vera laus við geðraskanir heldur ástand þar sem okkur líður vel, getum nýtt hæfileika okkar til fulls, tekist farsællega á við verkefni daglegs lífs og átt uppbyggileg og ánægjuleg samskipti við fólkið í kringum okkur.
Mikilvægt er að hlúa að eigin geðheilsu með því að gæta að jafnvægi í lífinu &#8211; nærast vel, stunda daglega hreyfingu og útiveru, hvílast nægilega og gefa sér tíma til þess að njóta tilverunnar með þeim sem manni þykir vænt um.
Með því að tileinka þér að hugsa jákvætt um lífið og tilveruna og hlúa markvisst að því sem styrkir geðheilsu þá ertu að stunda geðrækt.
Lífsorðin 14:
Lífsorðin 14 eru sprottin úr hugarheimi Héðins Unnsteinssonar, sérfræðings í stefnumótun og kunnáttumanns um geðheilbrigði. Hann hefur m.a. starfað sem sérfræðingur í þeim málum hjá Alþjóðaheilbrigðisstofnuninni (WHO) og heilbrigðisráðuneytinu. Í fyrirlestrinum ræddi Héðinn lífsorðin 14 og sagði nemendum sögur ásamt því að velta fyrir sér hvað skiptir í raun máli. Lífsorðin eru byggð á persónulegri reynslu en rannsóknir staðfesta gildi þeirra.
Héðinn hefur unnið lengi að því að finna leið til að tala um geðheilbrigði án þess að það verði þungt eða fjarlægt. Leið til að opna samtal sem er hlýtt, hreinskilið og mannlegt. Úr því varð fyrirlesturinn Vertu Úlfur – Wargus Esto. Tilbrigði við geðheilbrigði en Héðinn er einnig höfundur bókarinnar „<a href="https://hedinn.org/">Vertu úlfur – wargus esto</a>“.
Fyrirlesturinn féll í afar frjóan jarðveg en stór hópur nemenda í lífsleikni hlustuðu á Héðin og fengu hjá honum innsýn í geðheilsu og -heilbrigði ásamt góðum ráðum til að njóta lífsins í jafnvægi og vellíðan.

Heðinn Unnsteinsson fræðir nemendur um geðrækt

Nemendur í áfanganum Fjölmiðlafræði (FJÖ2A05) við skólann hafa náð eftirtektarverðum árangri með þátttöku sinni í keppninni Umhverfisfréttafólk sem haldin er á vegum Landverndar.
Keppnin miðar að því að efla umhverfisvitund ungs fólks og hvetja til vandaðrar miðlunar um málefni náttúru og sjálfbærni.  Alls hlutu fimm verkefni frá nemendum áfangans tilnefningu í keppninni, sem telst glæsilegur árangur.
15 framhaldsskólar tóku þátt í þessu verkefni og voru alls 14 verkefni tilnefnd til verðlauna. Verkefnin frá Borgó sem voru tilnefnd eru:
Auga Óðins – Feydís og Grétar
Útrýming íslenskra fugla – Jóhanna og Kári
Plasttappar – Hilmar, Særún og Karen
Hvalveiðar – Úlfur
Plastmengun – Indriði
Í verkefnum sínum fjölluðu nemendur um fjölbreytt og brýn umhverfismál, allt frá plastmengun til stöðu dýralífs á Íslandi. Verkefnin bera vott um gagnrýna hugsun, skapandi nálgun og faglega miðlun sem einkennir vandaða fjölmiðlavinnu.
Kennarar áfangans, Flosi Jón og Helga Kristrún hafa staðið sig frábærlega við að fylgja nemendum í þessari vinnu, og eru afar stolt af árangri nemenda og framlagi þeirra til umræðu um umhverfismál.
Verðlaunaathöfn keppninnar fór svo fram í gær í húsakynnum Landverndar, þar sem tilkynnt var um úrslit. Tvö þessara fimm verkefna enduðu á verðlaunapalli. Verðlaunin sem þau fengu voru fyrir framúrskarandi skapandi verkefni.
Jóhanna Eldey og Kári Björn fengu verðlaun fyrir Lundasögu og Úlfur Kjalar fékk verðlaun fyrir verkefni um hvalveiðar.
Við erum auðvitað rífandi stolt af þessum frábæru nemendum okkar og verkefnum þeirra.
Nánari upplýsingar um keppnina má finna á <a href="https://graenfaninn.is/umhverfisfrettafolk/" target="_blank" rel="noopener">heimasíðu verkefnisins</a>.

Verðlaunahafar ásamt Flosa, kennara sínum

Laura Sólveig Lefort Scheefer, forseti Ungra umhverfissinna

Að mörgu er að hyggja í umhverfismálum

<div class="x_elementToProof" data-ogsc="rgb(0, 0, 0)" data-olk-copy-source="MessageBody">Á dögunum kom góður gestur til okkar, Laura Sólveig Lefort Scheefer, forseti Ungra umhverfissinna. Hún ræddi um starf félagsins en það nær til alls milli himins og hafsbotns. Það voru nemendur í lífsleikni sem drukku í sig fróðleikinn að þessu sinni og gengu vel nestaðir frá borðum. Umhverfisnefnd nemenda stóð fyrir heimsókninni með dyggri aðstoð Hildar Margrétar.</div>
<div data-ogsc="rgb(0, 0, 0)" data-olk-copy-source="MessageBody"></div>
<div class="x_elementToProof" data-ogsc="rgb(0, 0, 0)" data-olk-copy-source="MessageBody">Nefndin er einnig með fatamarkað í skólanum, til að ýta undir endurnotkun og draga úr sóun. Vonandi heldur umhverfisstarf með nemendum áfram að blómstra hjá okkur, í félagslífi þeirra og hjá kennurum í faggreinum.</div>
<div class="x_elementToProof" data-ogsc="rgb(0, 0, 0)"></div>

Umhverfisnefnd nemenda ásamt Lauru, fyrirlesara, og Hildi Margréti og Ásdísi umhverfisfulltrúum og kennurum

Suðuborðið komið í hús og tilbúið til samsetningar

Ingvi og Haraldur una sér vel við borðið góða

Enn streyma til okkar gjafir frá velunnurum skólans. Í þetta skiptið var það vélsmiðjan Héðinn sem færði málm- og véltæknibrautum skólans glænýtt suðuborð að gjöf og ekki nóg með það heldur gerðu þau sér ferð upp í skóla til að afhenda gjöfina. Borðið er af allra bestu gerð, Siegmund, og mun breyta miklu í kennslu á málm- og véltæknibrautum.
Það voru kennararnir Haraldur Harðarson og Ingvi Pétursson sem áttu milligöngu um þessa glæsilegu gjöf og eru þeim færðar kærar þakkir ásamt starfsfólki vélsmiðjunnar Héðins fyrir rausnarskapinn.

Kennararnir Ingvi og Haraldur ásamt Ingu sviðstjóra og Ellert deildarstjóra glaðhlakkaleg með gjöfina

Krakkarnir í Glampa ásamt Unni Gísladóttur kennara sínum

Krakkarnir í Harka í viðeigandi klæðnaði

Strákarnir í Endurlokum með vörurnar sínar

Krakkarnir stóðu sig stórkostlega í kynningunum á vörum sínum

Nýsköpunarkeppni framhaldsskólanna, Ungir frumkvöðlar, fór fram um helgina. Nemendur úr sautján framhaldsskólum kynntu vörur sínar í Smáralind og þar á meðal voru níu lið frá Borgarholtsskóla. Verkefni þeirra og fyrirtæki voru einstaklega fjölbreytt og hugmyndarík en þau voru:
Endurlok en þar vinna nemendur með óskilamuni, endurnýta fatnað og umbreyta honum áður en hann er seldur á ný.
Flatir fletir er fyrirtæki utan um útileik sem er hannaður til að hvetja ungmenni til að fara meira út í sumar, sjá <a href="https://www.visir.is/g/20262870590d/vilja-fa-folk-ut-i-sumar-med-nyjum-leik?utm_term=Autofeed&amp;utm_medium=Social&amp;utm_source=Facebook&amp;fbclid=IwY2xjawRSwWJleHRuA2FlbQIxMABicmlkETFzUmtLMTZhVmZWZHFxVWtVc3J0YwZhcHBfaWQQMjIyMDM5MTc4ODIwMDg5MgABHqcj_vbTWD0KR-n60MnrvsEMLyDc8zV97GueNt9liLyRiys83bKmSmaCqqD2_aem_7lxirx5TPQwP0JCu2dO_Dg#Echobox=1776437642" target="_blank" rel="noopener">frétt á Vísi</a>.
Fyrirtækið Glampi endurnýtir bílavarahluti í einstaka og flotta lampa. Aukavaran er ilmspjald fyrir bíla.
Háin bjó til myndir sem sýna landslag, einkum fjöll, mótað af hæðarlínum þar sem yfirborð jarðar er dregið fram í einföldum og nákvæmum línum. Útkoman eru stílhrein verk sem henta vel á vegg.
Hraustur framleiðir bragðgóðar próteinmuffins sem sameina næringu og ánægju. Þar er hægt að fá aukaefnalausa orku fyrir æfingu.
HARKI býður upp á bragðbættan harðfisk sem hentar öllum en sérstaklega íþróttafólki. Varan kemur í  endurlokanlegum poka en hver poki inniheldur rúmlega 84 prósent prótein. <a href="https://www.hamingjuhofn.is/ungur-thorlakshafnarbui-i-frumkvodlaverkefni-throar-bragdbaettan-hardfisk/" target="_blank" rel="noopener">Hér</a> má lesa umfjöllun um vöruna.
Hjá fyrirtækinu ParTí er gömlum golfvörum gefið nýtt líf sem fjölbreyttar heimilisvörur sem nýtast við ólík tækifæri.
Mareik hannaði fallegt bretti úr marmara og eik sem má nota bæði sem skurðarbretti og platta. Markmið framleiðslunnar er að draga úr plastnotkun.
Fyrirtækið ÞÖGN hannaði falleg og hljóðdempandi málverk.
Torfan er fyrirtæki sem framleiðir kryddblöndur.
Hugmyndir og framleiðsla nemendanna eru einstaklega vel heppnaðar og vöktu áhuga fjölda fólks sem lagði leið sína í Smáralindina um helgina. Uppskeruhátíð keppninnar verður í Arionbanka þann 28. apríl en sigurliðið fær boð á frumkvöðlamessuna Gen-E sem fer fram í borginni Riga í Lettlandi dagana 7. – 10. júlí. næstkomandi.

Leikur fyrirtækisins Flatir fletir sló í gegn

Mynd frá Kvikmyndahátíð framhaldsskólanna

Í síðasta mánuði var haldin kvikmyndahátíð framhaldsskólanna. Þar sópuðu nemendur skólans að sér verðlaunum svo eftir var tekið.
Besta mynd hátíðarinnar var valin myndin Kítl eftir Ingu Malen Andersen en hún útskrifaðist frá skólanum á síðasta ári. Myndin hennar fékk einnig áhorfendaverðlaun sunnudags og verðlaun fyrir bestu tæknilegu útfærsluna. Ísak Magnússon fékk verðlaun fyrir bestu myndatökuna á sömu mynd en hann útskrifaðist árið 2024. Einnig var Indriði Elvar Magnússon verðlaunaður fyrir bestu tónlistina í stuttmynd sinni, Kyrrðin blíður, en hann er á öðru ári í skólanum. Báðar myndirnar voru sýndar á Stockfish kvikmyndahátíðinni í mars.
Mikil gróska er á kvikmyndabraut skólans og bæði núverandi og fyrrverandi nemendur gera garðinn frægan. Sem dæmi um gott gengi útskrifaðra nemenda má nefna að Orri Guðmundsson var verðlaunaður á Stockfish fyrir myndina <a href="https://www.mbl.is/mogginn/bladid/innskraning/?redirect=%2Fmogginn%2Fbladid%2Fgrein%2F1910743%2F%3Ft%3D732657529&amp;page_name=grein&amp;grein_id=1910743&amp;fbclid=IwY2xjawRMLwBleHRuA2FlbQIxMABicmlkETFzUmtLMTZhVmZWZHFxVWtVc3J0YwZhcHBfaWQQMjIyMDM5MTc4ODIwMDg5MgABHhnqZM_7OIqChJdeSCszaOHbbXwv9HdGFC84Xtr8UwSLqvSr3SJVlU4O8mH8_aem_QoOLMNAMeTzpSPiyuFp0Ng" target="_blank" rel="noopener">Íslenskur Herkúles.</a> Loks ber að nefna myndina <a href="https://www.visir.is/g/20252816506d/frum-syning-a-visi-syna-folki-hver-bubbi-er-i-raun-og-veru-?fbclid=IwY2xjawRML_BleHRuA2FlbQIxMABicmlkETFzUmtLMTZhVmZWZHFxVWtVc3J0YwZhcHBfaWQQMjIyMDM5MTc4ODIwMDg5MgABHgHAklBt89M6iSqgtbtGLIi45KMtsOOlXojplllk_OInNBPCiFGIevcuGW6l_aem_6LAAPRsxmrZF8T6_AgPeKg" target="_blank" rel="noopener">Ferlið hans Bubba</a> en fyrrverandi nemandi skólans, Halldór Ísak Ólafsson, er meðal framleiðenda hennar.

Inga Malen með aðalverðlaunin (mynd frá Kvikmyndahátíð framhaldsskólanna)

Kristín María, kennari í grafískri hönnun, ásamt nemendum sem tóku þátt í verkefninu

Undanfarin ár hefur Borgarholtsskóli verið í góðu samstarfi við Menntaskólann í tónlist (MÍT) sem felst í því að nemendur okkar í grafískri hönnun hafa keppt í gerð plakata fyrir stórtónleika MÍT.
Verðlaunaplakatið er síðan notað í auglýsingum fyrir tónleikana. Þetta árið voru tónleikarnir tileinkaðir tónlistarsystkinunum Ellý Vilhjálms og Vilhjálmi Vilhjálmssyni. Hönnun Söru Óskar Benedikstdóttur þótti henta tilefninu best og varð veggspjald hennar því fyrir valinu. Fulltrúar frá nemendafélagi MÍT tilkynntu niðurstöðurnar og veittu verðlaun.
Auk þess sáu nemendur á kvikmyndabraut skólans um að taka tónleikana upp.
Kennarar á listnámsbraut fá mikið hrós fyrir framtakið en þetta verkefni er mikil hvatning til skapandi starfa nemenda.

Nemendur hengdu upp kynningarefni sitt í skólanum

Strákarnir á kvikmyndabrautinni með græjurnar sínar

Margt spennandi er hægt að læra í verknáminu

Þessir ungu menn sýndu hvernig á að gera við bílinn sinn

Magnús Hlynur kynnir raungreinanámið við skólann

Stundum þarf bara að banka aðeins í brettið

Stoltir nemendur í verknámi kynna skólann sinn

Mikið var um að vera á opnu húsi í skólanum í dag, 14. apríl. Fjöldi áhugasamra nemenda úr grunnskóla, foreldrar þeirra og aðrir forvitnir gestir fylltu húsnæðið og kynntu sér fjölbreytt nám við skólann. Þar var hægt að skoða tæki og tól sem nýtt eru við kennslu í verknámi og listnámi, fræðast um það sem er í boði í bóknámi og íþróttaakademíu og nemendur í leiklist fluttu skemmtiatriði svo örfá dæmi séu nefnd.
Stór hópur nemenda tók þátt í kynningunni og aðdáun vakti hvað krakkarnir voru skeleggir í kynningum og leiðsögn um skólann. Stoltið leyndi sér ekki og er næsta víst að margir gestir munu kjósa að blómstra í Borgó næsta vetur.

Á dögunum færði tryggingafélagið TM sérnámsbraut skólans tjónaðan bíl að gjöf. „Nemendur á brautinni fá að vinna í bílnum frá grunni, fara undir hann, skoða púströr og ljósabúnað og gera við skemmdir. Lærdómurinn felst ekki bara í verkinu heldur líka í mistökunum, skrúfur eyðilagðar, festingar brotnar og er það allt hluti af ferlinu,“ eins og segir í <a href="http://&lt;iframe src=&quot;https://www.facebook.com/plugins/post.php?href=https%3A%2F%2Fwww.facebook.com%2Ftmtryggingar%2Fposts%2Fpfbid0iirT6yqZWBJsFBgHenoJYnn4fZ77c8DbD4yhmn1cNwwveVAS5XQcEpLdxDLtEt4El&amp;show_text=true&amp;width=500&quot; width=&quot;500&quot; height=&quot;811&quot; style=&quot;border:none;overflow:hidden&quot; scrolling=&quot;no&quot; frameborder=&quot;0&quot; allowfullscreen=&quot;true&quot; allow=&quot;autoplay; clipboard-write; encrypted-media; picture-in-picture; web-share&quot;&gt;&lt;/iframe&gt;" target="_blank" rel="noopener">frétt frá félaginu</a>.
Slíkar gjafir eru að verða árlegur siður hjá TM og færir skólinn félaginu miklar þakkir fyrir rausnarsemina og metnaðinn til að gefa nemendum tækifæri til að læra og æfa sig á áþreifanlegum verkefnum sem koma þeim að gagni út í lífið.

Í ljósi þess að óveðursspár virðast ætla að ganga eftir færist skólahald yfir á Innu fram að hádegi og þar gefa kennarar fyrirmæli um hvernig nemendur geta best varið tíma sínum í viðkomandi áfanga. Ekki er gert ráð fyrir netkennslu, hver kennari ákveður hvernig tími nemenda nýtist sem best. 
Kennarar setja tilkynningu inn á Innu og nemendur bera ábyrgð á að fylgjast með. 
Annað starfsfólk vinnur fjarvinnu eftir því sem við á og mögulegt er. 
Gert er ráð fyrir að kennsla hefjist kl. 13.15 en nemendur fá tölvupóst um hádegi með nánari tilmælum.

Á miðvikudaginn fengu nemendur heimsókn frá Samtökunum 78. Kristmundur Pétursson frá samtökunum flutti fyrirlestur um hugtakið gagnræðu í tilefni af jafnréttisdegi skólans sem er haldinn er í tengslum við alþjóðlegan baráttudag kvenna ár hvert.
Á <a href="https://samtokin78.is/gagnraeda1/" target="_blank" rel="noopener">heimasíðu samtakanna</a> er gagnræða skilgreind sem „&#8230;öll tjáning sem miðar að því að minnka áhrif skaðlegrar og hatursfullrar orðræðu á samfélag og einstaklinga. Í reynd felur gagnræða í sér að við tökum þátt í umræðunni með meðvituðum hætti.“
Féll fræðslan í frjóan jarðveg og er enn ein viðbótin við skilning nemenda á ólíkum einstaklingum og hópum í samfélaginu og mikilvægi þess að koma í veg fyrir að hatursorðræða breiðist út.

Lið Borgarholtsskóla í spurningakeppninni Gettu betur komst í átta liða úrslit keppninnar en sú umferð fer fram í sjónvarpi. Í gærkvöldi atti liðið kappi við lið Menntaskólans á Egilsstöðum og lauk þeirri viðureign því miður með ósigri okkar fólks. Engu að síður hafa þau Jóhann Fróði Ársælsson, Daníel Orri Gunnarsson og Júlía Kristín Eyþórsdóttir verið skólanum til sóma og eiga skilið hrós fyrir mikla eljusemi og glæsilega frammistöðu. Nokkuð er síðan lið skólans náði svona langt í keppninni og er liðinu óskað innilega til hamingju með árangurinn.

óhann Fróði Ársælsson, Daníel Orri Gunnarsson og Júlía Kristín Eyþórsdóttir kepptu í átta liða úrslitum í Gettu betur

Þriðjudaginn 24. febrúar síðastliðinn fylltist skólinn af áhugasömum grunnskólanemendum sem komnir voru til að taka þátt í stærðfræðikeppni grunnskólanna. Framkvæmd keppninnar er í höndum Írisar Elfu Sigurðardóttur, stærðfræðikennara, og naut hún aðstoðar nemenda skólans við yfirferð og fyrirlögn.
154 nemendur úr átta skólum tóku þátt í ár og er það metfjöldi. Skólarnir eru flestir í nágrenninu, Mosfellsbæ, Grafarvogi, Grafarholti og Úlfarsárdal en einnig komu nemendur frá Norðlingaholti, Árbæ, Breiðholti og Kópavogi. Keppendur úr áttunda bekk voru 50 talsins, 48 úr níunda bekk og 56 úr tíunda bekk en fjölgunin var mest í síðasta hópnum.
Árangur nemenda var gríðarlega góður og er ljóst að framtíðin í stærðfræðigetu landsmanna er björt. Allir þátttakendur fengu viðurkenningarskjal en þeim sem lentu í tíu efstu sætunum í hverjum bekk var boðið á verðlaunaafhendingu í skólanum síðdegis í dag. Nemendur sem lentu í 4. – 6. sæti í hverjum bekk fengu gjafabréf frá Dominos, þau sem urðu í 3. sæti fengu reiknivél frá Heimilistækjum, annað sætið fékk heyrnartól frá Opnum kerfum og fyrir fyrsta sætið var spjaldtölva frá Ofar í verðlaun. Þessi fyrirtækjum er þakkað kærlega fyrir glæsilegan stuðning við keppnina. Auk verðlauna fá þrír efstu keppendurnir úr 10. bekk ókeypis námsvist í Borgarholtsskóla næstu haustönn.
Þátttakendum og aðstandendum er óskað innilega til hamingju með árangurinn. Vonandi sjáum við flesta þessara nemenda í skólanum von bráðar.

Nemendur í áfanganum HAM2A05 (hagnýtri miðlun) heimsóttu auglýsingastofuna Pipar/TBWA á dögunum. Þar fengu nemendur kynningu á starfseminni og þeim verkefnum sem stofan hefur unnið að. Heimsóknin féll í frjóan jarðveg, nemendur fengu góða innsýn í auglýsingaheiminn og er stofunni þakkað kærlega fyrir móttökurnar.

Miðvikudaginn 18. febrúar komu góðir gestir í skólann.  Þar var á ferðinni hópur frá Pinewood Performing Arts skólanum í Kaliforníu. Gestirnir tóku lagið og dönsuðu í sal skólans í hádegishléinu. Áður hafði hópurinn hitt nemendur úr kór skólans og tekið lagið með þeim. Eftir tónleikana áttu nemendur Borgó gott spjall við meðlimi kórsins.
Hádegisheimsóknin var kærkomin en matur bragðast aldrei eins vel og þegar hans er notið við fagran undirleik.

Gestir frá Kaliforníu og kórfélagar í Borgó stilla sér upp

Nýsveinahátíð Iðnaðarmannafélagsins í Reykjavík var haldin þann 7. febrúar á Natura hótelinu. Hátíðin var sú fjölmennasta frá upphafi og glæsileg í alla staði. Forseti Íslands er verndari hátíðarinnar og heiðraði hún 33 nýsveina í 21 löggiltri iðngrein fyrir framúrskarandi árangur á sveinprófi. Á meðal verðlaunahafa voru fjórir nemendur Borgarholtsskóla, þeir Bjarki Snær Ásgeirsson í bifvélavirkjun, Atli Aron Davíðsson í blikksmíði, Baldur Freyr Gíslason í blikksmíði og Maxime Liotta í rennismíði. Þeim er óskað hjartanlega til hamingju með frábæran árangur og heiður.

Verðlaunahafar ásamt Höllu Tómasdóttur, forseta Íslands, og Ingu Sæland, barna og menntamálaráðherra

Síðastliðið fimmtudagskvöld varð alvarlegt bílslys á Miklubraut með þeim hörmulegu afleiðingum að nemandi skólans, Patrekur Freyr Sveinsson, lést, aðeins sautján ára gamall. Í dag heiðruðu nemendur og starfsfólk minningu Patreks með því að mæta í bláum fötum og mynda stórt P á bílastæði skólans.
Nemendafélagið stendur fyrir söfnun fyrir fjölskyldu Patreks og í hádeginu voru seldar bláar vöfflur en blár var eftirlætislitur hans og einkennislitur íshokkíliðsins sem hann lék með. Hægt er að leggja söfnuninni lið með því að leggja inn á reikning nemendafélagsins: 0346-26-3333, kt. 621096-2149. Hver vaffla kostaði 500 krónur og hægt er að leggja inn andvirði eins margra og hver kýs. Söfnunin stendur fram á föstudag og ágóðinn rennur til fjölskyldu Patreks til að létta undir með henni á þessum erfiðu tímum.

Stórt, blátt P í minningu Patreks Freys

Prúðbúnir nemendur fylltu matsal skólans fimmtudagskvöldið 5. febrúar en þá var árshátíð þeirra haldin eða svo kallað glæsiball. Glæsiballið á sér langa sögu og er hápunktur félagslífsins í skólanum. Boðið var upp á dýrindis kalkúnaveislu og súkkulaðimús í eftirrétt og að vanda þjónaði starfsfólk til borðs. Þema kvöldsins var Rauði dregillinn og svo vel tókst til með skreytingar á salnum að hann var óþekkjanlegur.
Veislustjórar voru þeir Aron Mola og Arnar Þór Ólafsson.  Skemmtiatriði voru í höndum nemenda og kennara en félags- og forvarnarteymi skólans flutti hvatningarsöng sem féll vel í kramið. Hæfileikakeppnin Borgó got Talent fór fram þar sem félagarnir Kiddi og Styrmir urðu hlutskarpastir. Tveir efstu keppendurnir í Borgóvisjón, þær Vigdís Bára og Agnes Lind, fluttu saman hugljúft lag eftir Laufeyju Lin. Myndband frá BARA nefndinni var frumflutt og fyrrum nemandi skólans, Sylvía Þórðardóttir, söng nokkur lög og lék á gítar.  Í lokin fylltist gólfið svo af dansþyrstum gestum.
Kvöldið tókst í alla staði mjög vel og var mikið fjör hjá nemendum sem voru til fyrirmyndar í alla staði.

Nemendur prúðbúnir sem kvikmyndastjörnur

Sú hefð hefur skapast í skólanum að fella niður kennslu í tvo daga í febrúar og bjóða nemendum upp á ýmiss konar viðburði og námskeið í staðinn fyrir hefðbundið nám. Heiti þessara uppbrotsdaga, skóhlífadagar, kemur frá því að í byrjun skólahalds árið 1996 þurftu nemendur og starfsfólk að setja bláar skóhlífar utan um skóna áður en gengið var inn ganga skólans og skólastofur. Einnig má segja að orðaleikurinn snúist um að hlífa nemendum við skólanum eða skólanum við skóna þessa daga.
Þetta árið fengu nemendur að prófa fjölbreytt viðfangsefni, bæði innan skóla og utan. Meðal þess sem nemendum stóð til boða var að fara í jeppaferð, læra japönsku, prjóna, búa til brauðtertur, heimsækja söfn, kynnast nýjum íþróttagreinum eða skemmta sér í þeim greinum sem í uppáhaldi eru. Svona má lengi telja. Skóhlífadagarnir eru kærkomin hvíld frá hefðbundnu námi og verða til þess að nemendur snúa aftur endurnærðir að skólabókunum eftir helgi.

Áhugasamir nemendur skoða svo kallaðan "drift" bíl

Nemendur í upptökum á útvarpsleikriti

Nemendur í fjölmiðlafræðiáfanga á listnámsbraut fóru á dögunum í vettvangsferð í Útvarpshúsið. Þar tóku þær Anna Marsibil, ritstjóri hlaðvarpa á RÚV, og  Sigrún Hermannsdóttir viðburðarstjóri á móti hópnum. Nemendur fengu frábæra leiðsögn um bygginguna og Anna Marsibil var með fyrirlestur um hlaðvarpsgerð. Rúsínan í pylsuendanum var að nemendur fengu að vera hluti af upptökum á nýju útvarpsleikriti þar sem valinkunnir leikarar fara með aðalhlutverkin.

Nemendur í fjölmiðlafræði kynna sér starfsemi RÚV

Fimmtudaginn 12. febrúar næstkomandi verður opið hús hjá starfsbraut skólans frá klukkan 14:00 &#8211; 16:00.
Áhugasamir eru hvattir til að kíkja í heimsókn og kynna sér fjölbreytt starf á brautinni.

Í skólanum stundar mikill fjölda nemenda nám í íþróttaakademíu. Nemendur sem eiga sæti í landsliði í sinni íþrótt tóku á dögunum við styrk frá skólanum til að koma til móts við kostnað sem fylgdi landsliðsverkefnum þeirra á síðustu önn.
Sjö nemendur fengu styrkinn að þessu sinni. Þau koma úr fjölbreyttum greinum, Jónas og Viktor úr júdó, Lilja Katrín úr fimleikum, Kristófer úr handknattleik, María af skíðum, Alex Unnar úr handbolta og Kjartan Óli úr frjálsum íþróttum.
Þessum frábæru nemendum er óskað velgengni í sínum verkefnum í framtíðinni.

Inga Lára, sviðsstjóri íþróttaakademíu, og Ásta Laufey aðstoðarskólameistari ásamt hópi styrkhafa

Þau Júlía Kristín Eyþórsdóttir, Jóhann Fróði Ásgeirsson og Daníel Orri Gunnarsson skipa lið skólans í Gettu betur. Þau hafa nú unnið báða andstæðinga sína í útvarpi og eru þar með komin í átta liða úrslit sem fram fara í sjónvarpssal. Það er alltaf ánægjuefni þegar nemendum gengur vel í þessari keppni og er liðinu óskað velfarnaðar í komandi viðureignum.

Júlía Kristín, Daníel Orri og Jóhann Fróði sigursælt lið skólans

Keppendur kvöldsins ásamt dómnefnd og kynnum

Fimmtudaginn 22. janúar var söngkeppni Nemendafélags Borgarholtsskóla haldin með pomp og prakt í sal skólans. Sjö nemendur stigu þar á stokk og sungu sig inn í hjörtu áheyrenda. Sigurvegari kvöldsins og þar með fulltrúi skólans í Söngkeppni framhaldsskólanna var Vigdís Bára Arnþórsdóttir en hún söng lagið From the Start eftir Laufeyju Lin. Í öðru sæti var Agnes Lind Auðunsdóttir með lagið Dreamer sem er sömuleiðis eftir Laufeyju Lin. Þriðja varð Særún Georgsdóttir sem söng lagið Rolling in the deep eftir Adele. Aðrir keppendur stóðu sig með sóma og átti dómnefndin úr vöndu að ráða. Hún var skipuð þeim Þráni Árna Baldvinssyni gítarleikara og tónlistarkennara, Flosa Jóni Ófeigssyni leiklistarkennara og Katrínu Ingu fyrrum nemanda skólans og söngspíru.
Kynnar kvöldsins voru Nökkvi Jarl Bjarnason og Guðbjörg Hilmarsdóttir, kennarar við skólann, en þau vöktu mikla lukku með flutningi sínum á laginu Something Stupid sem þekktast er í flutningi feðginanna Franks og Nancy Sinatra í hléi. Guðmundur Martin, nemandi við skólann, söng einnig í hléi en hann flutti lagið Fly me to the Moon sem einnig er eftir Frank Sinatra.
Það er augljóst að skólinn státar af hæfileikafólki bæði á meðal nemanda og í starfsfólkshópnum og verður spennandi að fylgjast með  tónlistarlífi skólans í framtíðinni.

Skólanum barst nýverið gjöf frá fyrirtækinu Marel. Um er að ræða öfluga vog sem gengur undir heitinu Skjaldbakan. Vogin er þarfaþing fyrir nemendur og kennara í verknámi. Í iðnreikningi sem þar er kenndur eru nemendur m.a. að mæla, reikna út og vinna með eðlismassa ólíkra málma. Einnig eru nemendur að skoða þyngdarkraft mismunandi hluta og skoða í hvaða samhengi rúmmál og þyngd virkar þegar uppdrif er skoðað. Í samhengi við jeppabreytingar nota nemendur síðan þessa fræðilegu sem og verklegu þekkingu sína.
Til að mælingar verði sem bestar þurfa nemendur góð mælitæki enda hefur lengi verið beðið eftir vog af þessu tagi. Skólinn þakkar Jónmundi Þór Eiríkssyni hjá Marel kærlega fyrir þessa nákvæmu og flottu vog.

Ellert Danelíusson og Jens Karl Ísfjörð kampakátir með gjöfina ásamt Jónmundi Þór Eiríkssyni frá Marel

Kennsla á vorönn 2026 hefst 6. janúar samkvæmt stundatöflu. Námsgagnalista má finna á <a href="http://www.inna.is/" target="_blank" rel="noopener">Innu</a>.
Töflubreytingar hefjast 3. janúar. Aðrir nemendur en útskriftarefni senda inn beiðnir um töflubreytingar rafrænt í gegnum <a href="http://www.inna.is/" target="_blank" rel="noopener">Innu</a> og verða þær afgreiddar svo fljótt sem auðið verður. <a href="https://wp.borgo.is/wp-content/uploads/Leidbeiningar-vegna-toflubreytinga-vor-2024.pdf">Leiðbeiningar um rafrænar töflubreytingar.</a>
Útskriftarefni (þeir nemendur sem eiga um 35 einingar eða minna eftir af sinni braut) eru hvött til að hafa samband við sinn sviðsstjóra, fóstru mætingar og umsjónar eða áfangastjóra til að tryggja að allir nauðsynlegir áfangar til útskriftar séu í töflu.
Hægt er að fylgjast með lífinu í skólanum á <a href="https://www.instagram.com/borgo_skoli/" target="_blank" rel="noopener">instagramsíðum skólans, </a><a href="https://www.instagram.com/nfbhs/" target="_blank" rel="noopener">nemendafélagsins</a> auk<a href="https://www.nfbhs.com/"> vefsíðu NFBHS</a>.
<a href="https://www.borgo.is/skolinn/spurningar-og-svor">Spurningar og svör varðandi skólann.</a>

Ásta og Ársæll ganga í salinn ásamt nemendum

Ásta Laufey og Ársæll sáu um brautskráningu nemenda ásamt sviðsstjórum

Ingibjörg Jakobína fékk viðurkenningu fyrir framfarir í námi og jákvætt hugarfar

Marólína Fanney hélt ávarp útskriftarnema

Þóra Lárusdóttir lætur af störfum sökum aldurs og fékk þakklætisvott frá skólanum

Ingibjörg Lilja Hólmarsdóttir með 9,27 í meðaleinkunn

Á næstunni

.

Grænmetishakk og spaghettí

Hakk og spaghettí ásamt hvítlauksbrauði

Fréttir

HD gefur leiser

Stórt hlutverk á RIFF

Hamagangur í heilsuviku